O’zLiDeP Qashqadaryo viloyat kengashi hamda G’uzor tuman kengashi hamkorligida "Uzbekistan GTL" MChJDA  “Inson qadrini ulug‘lash va faol mahalla” yili Davlat dasturi doirasida O‘zLiDePning ustuvor vazifalari, unda BPTlarning o‘rni va roli” mavzusidagi davra suhbati tashkil etildi.   

Jamiyat ishchi xizmatchilari, partiya faollari, deputatlar ishtirok etgan musohabada siyosiy kuchning o‘tgan yillar mobaynidagi faoliyati tahlil etilib, Taraqqiyot strategiyasi va partiya Saylovoldi dasturidagi maqsad va vazifalarni bajarishda partiya faollari, deputatlar zimmasidagi ustuvor vazifalar ijrosi yuzasidan amaliy takliflar ishlab chiqildi.

-Jamiyatimizda 140 nafar partiya a’zolari bo‘lib, ular ishchi-xizmatchilar o‘rtasida dasturiy maqsadlarimizni keng targ‘ib qilmoqdalar,- deydi “Uzbekistan GTL”  MChJ boshlang‘ich partiya tashkiloti raisi Shokir Qodirov. - Bugungi tadbirda boshlangich partiya tashkiloti faoliyatini jonlantirish, a’zolarni partiyaviy topshiriqlar bilan qamrab olish borasida fikr-mulohazalar bildirildi. Tadbir so‘ngida o‘n nafar bilimdon va iqtidorli yoshlar partiya safiga qabul qildik.    

O’zLiDeP Qashqadaryo viloyat kengashi

Matbuot xizmati.