Ayni paytda xalq deputatlari G’allaorol tuman Kengashida 9 nafar  O’zLiDeP deputatlik guruhi a’zolari faoliyat olib bormoqda. Saylovoldi dasturidan o‘rin olgan vazifalarni hal qilish, joylardagi mavjud muammolarga  partiyaviy vositalar bilan yechim topishda g‘allaorollik maslakdosh deputatlarimiz ham alohida faollik ko‘rsatmoqdalar.

Tumandagi Gulchambar QFY hududida joylashgan Jarbuloq qishlog‘idagi 1000 dan ortiq xonadonda 5 mingdan ortiq aholi istiqomat qiladi. Qishloq aholisini  uzoq yillardan buyon  yo‘llarning nosozligi qiynab kelayotgan edi. Muammoga yechim izlagan Jarbuloqliklar o‘z  deputatlariga murojaat qilishdi.

Faol deputatlardan biri Keldiyor Zaripov aholi murojaatini o‘z nazoratiga oldi. Muammo yechimini topish maqsadida mutasaddi  tashkilotlarga deputatlik so‘rovlari yuborildi. Aholi va hamkor tashkilotlar bilan birgalikda muammoga atroflicha yechim izlandi.

Sa’y-harakatlar o‘z samarasini berib, 1.3 kilometrlik yo‘l tekislanib,  shag‘al to‘kildi. Aholi murojaatlarini o‘z nazoratiga olib, muammoga yechim topgan deputatga ko‘pchilik o‘z minnatdorchiligini bildirmoqda.

Jamshid Mamarasulov,

O’zLiDeP G’allorol tuman Kengashi

apparat rahbari