To‘rtko‘lda ikkinchi marotaba "IT Revolution" forumi o‘tkazildi
09.12.2022, 16:28
Mamlakatimizda keyingi yillarda ilm, fan va texnika sohasini rivojlantirish, bu borada ayniqsa, yoshlar uchun yetarli sharoit yaratishga alohida e’tibor qaratilmoqda.
Bugungi kunda raqamli iqtisodiyot, “Elektron hukumat” xizmatlariga talab kundan-kunga oshib bormoqda. Ayniqsa, IT infratuzilmasini yaxshilash, yoshlarning bu boradagi savodxonligini oshirish davr talabidir.
Bu borada yoshlarning IT sohasi bo‘yicha bilim va ko‘nikmalarini yanada oshirish, ularni shu sohaga kengroq jalb etish maqsadida To‘rtko‘l tumanida ikkinchi marotaba "IT REVOLUTION" forumi o‘tkazildi.
Unda o‘z sohasining yetuk tajribali mutaxassislari tomonidan yoshlarga Kiberxavfsizlik, Front-end, Back-end, Dizayn, Jurnalistika va SMM bo‘yicha batafsil ma’lumotlar berildi.
Barchangizga ma’lum, keyingi yillari barcha sohalar singari axborot texnologiyalari sohasiga ham katta e’tibor qaratilyapti, - deydi O’zLiDeP Qoraqalpog‘iston Respublikasi Kengashi apparat rahbari Kazbek Artikov. - Partiyamizning saylovoldi dasturida ham raqamli iqtisodiyot zamonaviy axborot-kommunikatsiya va “raqamli” texnologiyalar, “Raqamli O’zbekiston 2030” dasturini joriy etish, “katta ma’lumotlar” (“Big data”), “blokcheyn”, “aqlli”, “xavfsiz” shahar, “internet buyumlar” texnologiyalarini keng joriy qilish, telekommunikatsiya infratuzilmasini yanada rivojlantirish borasida aniq vazifalar belgilab olingan. Bu kabi forumlarning o‘tkazilishi esa yoshlarga hozirgidek shiddat bilan rivojlanayotgan bir paytda axborot texnologiyasi va IT sohasi bo‘yicha o‘z bilim va tajribasini yanada oshirishga, ko‘proq do‘st orttirishda va ertangi kuni o‘z sohasining yetuk kadrlari bo‘lishida turtki bo‘la oladi.
Forum doirasida faol ishtirok etgan yoshlarga hamkor tashkilotlarning sertifikati va esdalik sovg‘alari topshirildi.
Xulosa o‘rnida aytish mumkinki, mamlakatda xizmat ko‘rsatish sifatini yanada yaxshilash, yoshlarning mafkuraviy immuniteti, ijodiy-intellektual salohiyatini oshirish, kompyuter texnologiyalari, dasturlash asoslari bo‘yicha bilimini mustahkamlash borasidagi tizimli ishlar, albatta, ushbu sohaning jadal rivojlanishiga xizmat qiladi.
O’zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring