Deputat ko‘magida aholiga 10 tonna ko‘mir yetkazildi

13.12.2022, 17:30

Deputat ko‘magida aholiga 10 tonna ko‘mir yetkazildi

Avval xabar berganimizdek, O’zLiDeP deputatlari va faollaridan tarkib topgan ishchi guruh joylarga chiqqan holda bu yilgi qish mavsumini betalofot o‘tkazib olish, bu borada aholi xonadonlarini isitish tizimi bilan muntazam ta’minlab turish maqsadida yuzaga kelayotgan muammolarni o‘rganyapti, aholi ehtiyojlari uchun ko‘mir, gaz ballonlari bilan ta’minlab berishda amaliy ko‘mak ko‘rsatib kelmoqda.

19-Nodira saylov okrugidan Xalq deputatlari Karmana tuman Kengashi deputatligiga saylangan Yu.Murodov "Yangiariq" MFYda joylashgan "Lola" uzumchilik-bog‘dorchilik shirkatida aholining qishki mavsumga tayyorgarligini o‘rganish maqsadida fuqarolar bilan uchrashdi.

Muloqotda aholi tomonidan qish mavsumini betalofot o‘tkazish hamda xonadonlarni isitish uchun ko‘mir bilan ta’minlab berishda amaliy yordam so‘raldi.

Deputat zudlik bilan aholi murojaatini ijobiy hal qilgan holda  ushbu hududga 10 tonna ko‘mir yetkazib berdi. Aholi deputat sa’y-harakatidan mamnun bo‘lishdi.

Bundan tashqari ushbu shirkat hududidagi simyog‘ochlar qo‘lbola qilib o‘rnatilganligi sababli, uni yangisiga almashtirib berishda tegishli tashkilotga deputatlik so‘rovi chiqarildi.

O’zLiDeP Navoiy viloyat Kengashi

matbuot xizmati

  • Ko'rildi
    274
  • Chop etish
  • Do'stlar bilan ulashish
← Orqaga qaytish

Fikringizni qoldiring

+