Davra suhbatida ta’lim sifatini oshirish masalasiga e’tibor qaratildi

05.01.2023, 14:27

Davra suhbatida ta’lim sifatini oshirish masalasiga e’tibor qaratildi

Oliy Majlis Qonunchilik palatasi deputati A.To‘legenova hamda O'zLiDePning viloyat, tumun, shahar deputatlari, nodavlat notijorat tashkilotlari rahbarlari ishtirokida  Prezidentimizning Oliy Majlisga va O’zbekiston xalqiga Murojaatnomasida ko‘zda tutilgan islohotlarni  keng jamoatchilikka yetkazish maqsadida targ‘ibot tadbiri tashkil qilindi.

Tadbirda so‘zga chiqqanlar Murojaatnomada respublikamizning siyosiy, iqtisodiy, ijtimoiy va madaniy sohalariga birdek aloqador dolzarb masalalar tilga olinganligini, xususan joriy yilning “Insonga e’tibor va sifatli ta’lim yili” deya atalishi eng oliy maqsad hisoblangan insonni sharaflash, uning qadri, sha’nini oliy qadriyat bilish, orzu-niyatlarini amalga oshirish yo‘lida ta’limning ahamiyatini belgilash uchun dasturulamal bo‘lishini, eng katta investitsiyani ta’limni qo‘llab-quvvatlashga qaratish ekanligini ta’kidlab o‘tdilar.

Jumladan, “Keyingi yillarda xalq ta’limi tizimini rivojlantirish, o‘qituvchi kasbining maqomini oshirish, pedagoglar salohiyatini ko‘tarish, pedagog va o‘quvchilar uchun munosib shart-sharoitlar yaratish borasida qator ishlar amalga oshirilib kelinmoqda. Bugungi kun talabidan kelib chiqib, ta’lim tizimini yanada rivojlantirish maqsadida qator samarali ishlar olib borilmoqda”,- dedi Oliy Majlis qonunchilik palatasi deputati A.Tulegenova

Xalq deputatlari Navoiy viloyati Kengashi deputati, O'zLiDeP Navoiy viloyati Hududiy partiya tashkiloti apparati rahbari M.Eshniyozov Murojaatnoma yuzasidan o‘z fikrlarini bildirib o‘tdi.

Tadbir so‘ngida ishtirokchilar o‘zlarini qiziqtirgan savollarga mas’ullardan tegishli javob oldilar.

O'zLiDeP Navoiy viloyat kengashi

 Matbuot xizmati

  • Ko'rildi
    373
  • Chop etish
  • Do'stlar bilan ulashish
← Orqaga qaytish

Fikringizni qoldiring

+