Deputatlar sayyor qabulida 8 ta murojaat joyida hal qilindi

23.01.2023, 14:11

Deputatlar sayyor qabulida 8 ta murojaat joyida hal qilindi

Deputat xalq vakilidir, u xalq va saylovchilar manfaatini ko‘zlaydigan, haqiqatan ham xalq dardi bilan yashaydigan inson. Zotan, deputat har doim xalq bilan bo‘lishi, hamnafas faoliyat yuritishi lozim.

Xalq deputatlari Samarqand tumanidagi O'zLiDeP deputatlik guruhi raisi, tuman Kengashi kotibiyati mudiri A.Umarov Samarqand tumanidagi “Andijoni” mahallasida sayyor qabul o‘tkazdi.

Sayyor qabulda saylovchilar mahalladagi mavjud kamchiliklar – ichimlik suvi, tomorqa uchun suv ta’minoti, ichki yullar, gaz, elektr energiyasi singari masalalarda o‘z fikrlarini bayon etishdi.

Sayyor qabulda aholi tomonidan 15 ga yaqin murojaatlar kelib tushgan bo‘lib, 8 ta murojaat mutasaddi tashkilot rahbarlari tomonidan joyida hal etildi.

Shuningdek mahalladagi 39-umumiy o‘rta ta’lim maktabidagi isitish tizimini yaxshilash va olib borilayotgan qurilish ishlarini o‘z nazoratiga oldi.

Tadbir davomida deputat hamda mas’ullar ishtirokida murojaatlar yuzasidan joylarga chiqib, mavjud muammolar o‘rganilishi belgilanib, tegishli tashkilotlarga deputatlik so‘rovi chiqariladigan bo‘ldi.

Manuchehr Sobirov,

O‘zLiDeP Samarqand tuman  Kengashi raisining

birinchi o‘rinbosari – apparat rahbari

  • Ko'rildi
    372
  • Chop etish
  • Do'stlar bilan ulashish
← Orqaga qaytish

Fikringizni qoldiring

+