Aholining ijtimoiy himoyaga muhtoj qatlamini, nogironligi bor insonlarni har tomonlama qo‘llab-quvvatlash, ularning og‘irini yengil qilish borasida xalq deputatlari Jizzax shahar Kengashida faoliyat olib borayotgan 11 nafar O`zLiDeP deputatlik guruhi a’zolari ham tizimli ravishda bir qator ishlarni amalga oshirmoqdalar.  Jizzaxlik faol deputatlarimizdan biri – Abdulaziz Xo‘jakov,  shahardagi “Shodlik” MFYda hokim yordamchisi sifatida ham faoliyat olib bormoqda.

Yaqinda mahallada istiqomat qiluvchi nogironligi bor fuqarolar nogironlar kreslo-aravachalari olishda yordam so‘rab deputatga murojaat qilishdi. Ushbu murojaatni o‘z nazoratiga olgan Abdulaziz Xo‘jakov tomonidan tegishli mutasaddi tashkilotlarga deputatlik so‘rovnomalari chiqarildi.

Natijada murojaatlar ijobiy hal qilinib, 4 nafar nogironligi bor fuqarolar oddiy va bir nafar nogironligi bor fuqaro elektr yuritmali nogironlar kreslo-aravachalari bilan ta’minlandi.

Zayniddin Eshqulov,

O`zLiDeP Jizzax viloyat kengashi

STM va deputatlik guruhlari

bilan ishlash bo‘limi mudiri