Xabaringiz bor,    Alibazar.uz, Europool.uz saytlari va AQShdagi bir necha biznes-kompaniya asoschisi, biznes-trener Alisher Avazov  respublikamiz viloyatlarida tadbirkorlar uchun  “Biznesda boshqaruv psixologiyasi” mavzusida “Mahorat darslari” o‘tkazmoqda.

O`zLiDeP  Jizzax viloyat Kengashi bilan hamkorlikda tashkil etilgan ana shunday “Mahorat darslari” Jizzax shahrida ham  bo‘lib o‘tdi.

Ikki yuzdan ortiq tadbirkorlar, o‘z biznesini yo‘lga qo‘yish ishtiyoqida bo‘lgan yigit-qizlar ishtirok etgan tadbirda taniqli tadbirkor  tajribasidan kelib chiqqan holda yig‘ilganlarga o‘zining qimmatli maslahat va yo‘l-yo‘riqlarini berib o‘tdi.

Ayniqsa, mablag‘dan unumli foydalanish, investitsiyalar jalb qilish, xorijiy ishgbilarmonlar bilan hamkorlikni yo‘lga qo‘yish va shu kabi boshqa  yo‘nalishlarda  berilgan yo‘l-yo‘riqlar tinglovchilarda katta taassurot qoldirdi.

Jonli muloqot tarzida o‘tgan tadbir davomida ishtirokochilar biznes-trenerdan tadbirkorlikni yo‘lga qo‘yish,  rivojlantirish borasida o‘zlarini qiziqtirgan  ko‘plab savollariga batafsil javob olish imkoniga ega bo‘ldilar.

O`zLiDeP  Jizzax viloyat Kengashi

Matbuot xizmati