O’zbekiston – yoshlar mamlakati. Respublikamiz aholisining 60 foizdan ko‘prog‘ini aynan 30 yoshgacha bo‘lgan yoshlar tashkil qiladi. Bugun uchinchi Uyg‘onish davrining tamal toshlari qo‘yilayotgan  Yangi O’zbekistonda yoshlarimizning o‘z iqtidorlarini namoyon qilib, barcha sohalarda faollik ko‘rsatishlari uchun barcha shart-sharoitlar yaratilgan.

Ayni kunlarda O’zLiDeP Jizzax viloyati Kengashi Yoshlar va biznes tuzilmalar bilan ishlash bo‘limi tomonidan “Yoshlar parlamenti”ga bo‘lib o‘tadigan saylovlarga nomzodlarni saralash bosqichi bo‘lib o‘tmoqda.

“Yoshlar parlamenti” saylovlarida ishtirok etishni istagan yoshlarning hujjatlari partiya mas’ullari hamda tegishli jamoat tashkilotlari faollaridan iborat Hakamlar hay’ati a’zolari tomonidan atroflicha o‘rganib chiqilmoqda. Shuningdek, yoshlarga  ushbu saylovga oid Nizom, saylovning o‘tkazilish tartibi, tadbirning  saralash bosqichlari to‘g‘risida batafsil tushuntirishlar berib o‘tilmoqda.

Sirojiddin AXMATOV

O’zLiDeP Jizzax viloyati Kengashi

Yoshlar va biznes tuzilmalar

bilan ishlash bo‘limi mudiri