Yoshlar parlamentiga iste’dodli yoshlar saralanmoqda

02.02.2023, 15:19

Yoshlar parlamentiga iste’dodli yoshlar saralanmoqda

O’zbekiston Respublikasi Oliy Majlis Qonunchilik palatasi huzuridagi Yoshlar parlamentiga o‘tkaziladigan bo‘lajak saylovga tayyorgarlik ishlari Navoiy viloyatida ham qizg‘in va jadallik bilan davom etmoqda. Yoshlar parlamentiga o‘tkaziladigan bo‘lajak saylovlarga tayyorgarlikning dastlabki bosqichi viloyatning hududlari bo‘ylab nizomda belgilangan shaklda, tegishli tartibda nomzodlarning hujjatlari qabul qilinmoqda.

Nomzodlarning hujjatlarini qabul qilish mobaynida  tuman, shahar yoshlarining jamoatchilik orasida o‘zining tashabbuskorligi, siyosiy savodxonligi, qo‘lga kiritgan yutuqlari, shunindek, partiya tomonidan tashkil etilayotgan turli tadbirlardagi faol ishtiroki bilan ajralib turgan  yoshlarni saralab olishga ahamiyat berilmoqda.

Bundan ko‘zlangan maqsad yoshlarni parlamentga dahldorligini mustahkamlash, ularning mamlakatimizda amalga oshirilayotgan siyosiy jarayonlardagi  o‘rni va rolini yanada oshirish hamda barcha sohada dunyoqarashi keng va  yetuk bilimga ega bo‘lgan ma’naviyatli yoshlarni yurtimiz tayanchiga aylantirishdan iboratdir.

Bugungi kunda davlatimiz rahbari tomonidan yoshlarga berilayotgan e’tibor natijasida ularni, bilim olishini, kasb-hunar o‘rganishini,  iste’dod va qobiliyatilarini, ezgu intilishlarini to‘liq ro‘yobga chiqarishlariga imkoniyat yaratilmoqda. Yangi avlodning  ijtimoiy-siyosiy faolligini oshirish, Vatanga sodiq, qat’iy hayotiy qarashlarga ega yigit-qizlarni tarbiyalash, hayotda munosib o‘rini egallashlarini taminlash davlatimizning ustuvor vazifasi bo‘lib qolaveradi.

 O'zLiDeP Navoiy viloyat kengashi

 matbuot xizmati

  • Ko'rildi
    328
  • Chop etish
  • Do'stlar bilan ulashish
← Orqaga qaytish

Fikringizni qoldiring

+