Energiya ta’minotida nazorat kuchaytiriladi
08.02.2023, 15:58
Prezident Shavkat Mirziyoyev huzurida 6 fevral kuni energiya ta’minoti sohasida nazorat tizimini tartibga solish chora-tadbirlari yuzasidan o‘tkazilgan yig‘ilishda energiya yetkazib berish va hisob-kitob tizimidagi muammolar tanqidiy tahlil qilindi. Bu esa tumanlardagi tarmoq idoralari elektr va gazga ulanishga hisob-kitob va tahlillarsiz ruxsat berilayotganligi soha xodimlarining shundan keyingi o‘z faoliyatlariga jiddiy yondashishlari lozimligini, Prezidentimiz ko‘rsatmalari asosida ish olib borishlari zarurligini ko‘rsatmoqda.
Yig‘ilishda davlatimiz rahbari hanuzgacha tizimda o‘g‘irlik juda katta ekanligini bejiz ta’kidlagani yo‘q. Darhaqiqat, yurtimizning aksariyat joylarida elektr va gaz resurslari xo‘jasizlarcha talon-toroj qilinayapti. O’tgan yilning birgina dekabr oyida elektr va gazdan noqonuniy foydalanish bo‘yicha 12 mingdan ziyod holatda 600 milliard so‘mlik zarar aniqlanganligi, jumladan, avtomobillarga gaz quyish shoxobchalari ustidan nazorat butunlay izdan chiqqanligi ayni haqiqatdir.
Shu bois yig‘ilishda energiya va gaz ta’minoti sohasidagi nazorat tizimini tartibga solish bo‘yicha Prezidentimiz tomonidan aniq topshiriqlar berildi. Ayniqsa, avtomobillarga gaz quyish shaxobchalari ustidan qat’iy nazorat o‘rnatish talab etilmoqda.
Muxtasar qilib aytganda, energiya ta’minoti sohasida nazorat tizimini tartibga solish chora-tadbirlari yuzasidan davlat tomonidan olib borilayotgan siyosatida belgilangan vazifalari va maqsadlarini aholiga yetkazishda mahalliy kengashlar deputatlari ham faollik ko‘rsatadi.
Bobomurod Ochilov,
O’zLiDeP Buxoro viloyat Kengashi
apparati rahbari,
Xalq deputatlari viloyat Kengashi deputati
O'xshash yangiliklar
-
Saylovoldi dasturi ijrosi: parlament nazorati va fraksiyalararo raqobat
13.04.2024, 21:48
-
Jizzaxda tomorqalarni ishga solish bo‘yicha 309 ta mahallaga lider tadbirkor – eksportchilar biriktirilishi belgilandi
09.04.2024, 20:28
-
Jizzaxda kechayotgan ulkan o‘zgarishlar Yangi O’zbekistonni qamrab olgan bunyodkorlik jarayoniga munosib hissa bo‘lib qo‘shilmoqda
09.04.2024, 20:26
-
O’zbekiston va Qozog‘iston hamkorligi yangi bosqichga chiqmoqda
09.04.2024, 17:27
-
Yerdan samarali foydalanish - yoshlar bandligi va daromadini oshirishning muhim omilidir
09.04.2024, 17:19
Fikringizni qoldiring