O'zLiDeP Romitan tuman Kengashi tarkibida 5750 nafar a’zolarni o‘z atrofiga birlashtirgan 65 ta partiya quyi bo‘g‘ini mavjud bo‘lib, shu kunga qadar ularning 16 tasiga hisobot–saylov yig‘ilishlari bo‘lib o‘tdi. Ana shunday yig‘ilishlardan biri Tuman veterinariya va naslchilik bo‘limi huzuridagi partiya quyi bo‘g‘inda ham o‘tkazildi. BPT yetakchisi Uchqun Hodiyevning  quyi bo‘g‘inning o‘tgan hisobot davridagi faoliyati bo‘yicha axboroti tinglandi.

Yig‘ilishda so‘zga chiqqan partiya a’zolari  o‘tgan davr mobaynida erishilgan natijalar bilan birga yo‘l qo‘yilgan kamchiliklar xususida ham o‘z fikr-mulohazalarini bayon etdilar. Jumladan, partiya saflarini o‘stirish, elektorat vakillari muammolarini mahalliy Kengash deputatlari bilan hamkorlikda hal etishga yetarli e’tibor qaratish lozimligi ta’kidlandi.

Shuningdek, yig‘ilishda BPTning “Yangi O’zbekistonning 2022-2026 yillarga mo‘ljallangan Taraqqiyot strategiyasi va 2023 yil “Insonga e’tibor va sifatli ta’lim yilida amalga oshirishga oid davlat dasturi” dagi ustuvor vazifalardan kelib chiqqan holda bajarilishi lozim bo‘lgan chora-tadbirlar rejasi tasdiqlandi.

BPTNing hisobot saylov davridagi faoliyati qoniqarli deb topildi. Korxonaning tajribali mutaxassislaridan biri  Mirshod Tuxtayev partiya quyi bo‘g‘ini yetakchiligiga saylandi.

O'zLiDeP tuman Kengashi rejasiga asosan BPTlarida hisobot-saylov yig‘ilishlari uyushqoqlik bilan davom etmoqda.