O`zLiDeP Jizzax viloyati kengashi Yoshlar va biznes tuzilmalari bilan ishlash bo‘limi tashabbusi bilan O’zbekiston Ichki Ishlar vazirligi qoshidagi Jizzax akademik litseyida “Insonga e’tibor va sifatli ta’lim yili” davlat dasturi – yoshlar nigohida”, deb nomlangan ma’naviy-ma’rifiy tadbir tashkil etildi.

Tadbirda Abdulla Qodiriy nomidagi Jizzax Davlat pedagogika universiteti va Jizzax  politexnika instituti professor –o‘qituvchilari, partiya faollari, litseyda faoliyat yuritayotgan pedagoglar hamda o‘quvchi yoshlar ishtirok etishdi.

Tadbir davomida o‘quvchilarga jahonda va yurtimizda kechayotgan jarayonlar,  “Insonga e’tibor va sifatli ta’lim yili” Davlat  dasturida yoshlarning ta’lim olishlari, tadbirkorlik bilan shug‘ullanishlari uchun shart-sharoitlar yaratish borasida belgilangan maqsad va vazifalar, shuningdek, Yangi O’zbekistonda hukmron bo‘lgan diniy bag‘rikenglik, millatlararo totuvlik muhitini asrab-avaylash, bu borada yoshlarning o‘rni mavzularida so‘z yuritildi.

Ochiq va samimiy muloqot ruhida kechgan tadbirda mehmonlar o‘quvchilarni qiziqtirgan barcha savollarga atroflicha javob qaytardilar.

Sirojiddin Ahmatov,

O`zLiDeP Jizzax viloyati Kengashi

Yoshlar va biznes tuzilmalari

bilan ishlash bo‘limi mudiri