O’zLiDeP Mirzacho‘l tuman Kengashi raisi, xalq deputatlari Jizzax viloyat Kengashi deputati Sabohat Azimova va  partiya faollaridan iborat ishchi guruh Mirzacho‘l tuman elektr tarmoqlari korxonasi faoliyatini o‘rgandi.

So‘nggi paytlarda tumanda elektr enegiyasida tez-tez ro‘y berayotgan uzilishlar  aholining haqli e’tirozlariga sabab bo‘lmoqda.  Shu sabab, ushbu muammoni barataraf etish uchun saylovchilar o‘z deputatlariga murojaat qilishdi.

Aholi murojaatida aks etgan barcha muammoli masalalar  tuman elektr tarmoqlari korxonasi xodimlari va mahalla faollari bilan birgalikda joylarga borib o‘rganib chiqildi.  So‘ngra bo‘lib o‘tgan yig‘ilishda o‘rganish natijalari atroflicha muhokama qilindi, muammolarni bartaraf etish yuzasidan aniq chora-tadbirlar belgilab olindi. 

Shuningdek, aholi bilan muloqotlarda kasb etikasiga rioya qilish,  chaqiriqlarga o‘z vaqtida yetib borish va shu kabi dolzarb masalalar yuzasidan ham fikr-mulohazalar almashildi.

Belgilangan chora-tadbirlar ijrosi deputatlik nazoratiga olindi.

Davron Narimanov,

O’zLiDeP Mirzacho‘l tuman Kengashi

apparat rahbari