Ijtimoiy rivojlanishning kafolati

24.03.2023, 11:55

Ijtimoiy rivojlanishning kafolati

Bosh qomusimizga kiritiladigan barcha o‘zgartishlarning negizida O’zbekistonda kechayotgan islohotlar mohiyatini belgilovchi “Inson qadri uchun” ulug‘vor g‘oyasi yotganini ko‘rishimiz mumkin. Konstitutsiyaviy o‘zgarishlarning asl mohiyati ham shu aslida.

Mamlakat konstitutsiyasini takomillashtirish  yurtimizda amalga oshirilayotgan islohotlarni yangi sifat darajasiga ko‘tarish, xalqimizning turmush farovonligini yanada oshirish O’zbekistonning dunyodagi eng ilg‘or davlatlar  qatoriga kirishi uchun ulkan imkoniyatlar yaratadi.

Yangilanayotgan Konstitutsiyaga ko‘ra, kuchli ijtimoiy himoya va muhtojlarga g‘amxo‘rlik – davlat siyosatining muhim yo‘nalishi bo‘lib qoladi. Jumladan, kambag‘allikni qisqartirish, bandlikni ta’minlash, ishsizlikdan himoya qilish bo‘yi cha davlat o‘ziga qator yangi majburiyatlar olmoqda. Bu esa bugungi kunda 2 million 200 ming ehtiyojmand oila moddiy yordam olishini kafolatlaydi.

Davlat zimmasiga aholining ijtimoiy jihatdan ehtiyojmand toifalarining hayoti sifatini oshirish, nogironligi bo‘lgan shaxslarning jamiyat va davlat hayotida to‘laqonli ishtirok etishi va o‘z huquqlarini amalga oshirish uchun shart-sharoitlar yaratish majburiyati yuklanmoqda. Xulosa qilib aytganda, yangilanayotgan Konstitutsiya barqarorlik va ijtimoiy rivojlanish kafolati bo‘la oladi.

Iftixor ZIYOYEV,

O‘zLiDeP Toshkent shahar kengashi raisi o‘rinbosari,

Xalq deputatlari Toshkent shahar kengashi deputati

  • Ko'rildi
    405
  • Chop etish
  • Do'stlar bilan ulashish
← Orqaga qaytish

Fikringizni qoldiring

+