Qulay investitsiyaviy va ishbilarmonlik muhiti ta’minlanadi
29.03.2023, 14:25
Oliy Majlis Qonunchilik palatasi deputati Barno Mirzamova “O’zbekiston Respublikasi Konstitutsiyasi to‘g‘risida”gi konstitutsiyaviy qonun loyihasining tashviqot tadbirini Namangan shahrida faoliyat yuritib kelayotgan tadbirkorlik sub’ektlarida tashkil qildi.
Namangan shahridagi "Balans-Teks" hamda “Master klass dizayn” MChJlarda bo‘lib o‘tgan tashviqot tadbirlarida B. Mirzamova korxona ishchi-xodimlariga Bosh qomusimizda tadbirkorlar manffatiga xizmat qiladigan qator normalar aks etayotganligini aytib o‘tdi.
Xususan, qonun loyihasida davlatning bozor munosabatlarini rivojlantirish, qulay investitsiyaviy va ishbilarmonlik muhitini ta’minlash, halol raqobat uchun shart-sharoitlar yaratishi bo‘yicha majburiyatlari belgilanayapti. Barcha mulk shakllarining teng huquqliligi, tadbirkorlarning qonunchilikka muvofiq har qanday faoliyatni mustaqil tanlashi va amalga oshirishga haqli ekanligi kafolatlanayapti. Mol-mulk, uy-joy daxlsizligi masalasining Bosh qomusimizda belgilanayotgani tadbirkorlar uchun quvonarlidir. Chunki, mol-mulk daxlsizligining yuksak darajada kafolatlanishi ishbilarmonlik va investitsiyaviy faollikni rag‘batlantiradi.
So‘zi yakunida barcha fuqarolarni 30 aprel kuni bo‘lib o‘tadigan referendumda faol ishtirok etishga chaqirdi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring