O`zLiDeP Jizzax viloyat Kengashi “Ayollar qanoti”  guruhi  tashabbusi bilan Jizzax Politexnika institutida tashkillashtirilgan tadbir ana shunday deb nomlandi.

Tadbirda Oliy Majlis Qonunchilik palatasi deputati  Feruza Nigmatova referendumni o‘tkazish tartib-qoidalarini tushuntirish bilan birga Konstitutsiyaviy qonun  loyihasida o‘z ifodasini topgan yangi modda va normalar xususida ma’lumotlar berib o‘tdi.

Ta’kidlanganidek,  yangilanayotgan Konstitutsiyamiz ilgari amal qilib kelgan “davlat – jamiyat – inson” tamoyilini “inson – jamiyat – davlat” deb o‘zgartirish, ya’ni eng avvalo inson manfaatini har narsadan ustun qo‘yishni nazarda tutadi. Yangilanayotgan Bosh Qomusimiz  fuqarolarning huquqlari, erkinliklari va qonuniy manfaatlari to‘laqonli ta’minlanishiga xizmat qilishi bilan ahamiyatlidir.

Tadbir tashkilotchilari barchani 30 aprel kuni bo‘lib o‘tadigan referendumda faol qatnashishga chaqirdilar.

Saida Umaraliyeva,

O`zLiDeP Jizzax viloyat Kengashi

“Ayollar qanoti” guruhi rahbari