Yangilanayotgan Konstitutsiyada yerni qonunga muvofiq xususiylashtirish mumkinligi belgilanmoqda

31.03.2023, 15:52

Yangilanayotgan Konstitutsiyada yerni qonunga muvofiq xususiylashtirish mumkinligi belgilanmoqda

O’zLiDeP Siyosiy Kengashi Ijroiya qo‘mitasi raisi Aktam Xaitov  boshchiligidagi bir guruh deputat va senatorlar Xorazm viloyatida  bo‘lishdi.

Dastavval Urganch tumanidagi “Rajap ota Jumanov” fermer ho‘jaligi shiyponida mahalliy kengash deputatlari, fermer va tomorqa yer egalari, Yuqori ovul  mahalla faollari ishtirokida Konstitutsiyamizga kiritilayotgan o‘zgartish va qo‘shimchalarning mazmun-mohiyati, ahamiyati haqida fikr almashildi.

Unda so‘z olgan partiya yetakchisi yangilangan Konstitutsiyamizning referendum orqali qabul qilinishini qanchalik ahamiyatli ekani, umumxalq muhokamasi har tomonlama mukammal tashkil etilgani, parlament palatalari yig‘ilishlarida loyiha muhokamalarda ochiq va oshkora o‘tkazilganini alohida ta’kidladi.

Muloqot davomida fermer va tomorqachilar  so‘nggi yillarda yurtimizda dehqon xo‘jaliklari va tomorqa yer egalarining huquqlari va qonuniy manfaatlari himoya qilinayotgani, aholining qo‘shimcha daromad olish imkoniyatlari kengayayotgani, xalqimiz dasturxoniga sifatli va arzon qishloq xo‘jaligi mahsulotlarini yetkazilib, buning hajmi oshayotganini qayd etib, sohadagi ishlardan mamnunliklarini bildirishdi. Qabul qilinishi kutilayotgan yangilangan Konstitutsiyada ham qishloq xo‘jaligi, yerdan unumli foydalanishga qaratilgan qoidalar aks etganini aytib o‘tishdi.

Ishtirokchilar mamlakatimizda amalga oshirilayotgan islohotlarni to‘liq qo‘llab-quvvatlagan holda, konstitutsiyaviy qonun loyihasining yurtimiz tarixida ilk bor referendum orqali qabul qilinayotganini mamnuniyat bilan ma’qullashdi.

  • Ko'rildi
    236
  • Chop etish
  • Do'stlar bilan ulashish
← Orqaga qaytish

Fikringizni qoldiring

+