Shahrixon tuman madaniyat saroyida yangilanayotgan Konstitutsiya mazmun-mohiyatiga bag‘ishlangan targ‘ibot  tadbiri bo‘lib o‘tdi.

Tadbirda O‘zLiDeP tuman kengashi xodimlari, partiya faollari, mahalliy kengash deputatlari, o‘qituvchilar, yoshlar  va xotin-qizlar ishtirok etdi.

Oliy Majlis Qonunchilik palatasi deputati, O‘zLiDeP fraksiyasi a’zosi Odinaxon Otaxonova  ishtirokchilarga konstitutsiyaviy qonun loyihasi haqida gapirayotib, jumladan shunday dedi:

- Ilk bor shaxsni ushlash chog‘ida unga tushunarli tilda uning huquqlari va ushlab turilishi asoslari tushuntirilishi kerakligi ayblanuvchi va sudlanuvchilarga o‘ziga qarshi ko‘rsatma bermaslik, sukut saqlash huquqi berilmoqda.

Har kimning yozishmalari, telefon orqali so‘zlashuvlari, pochta, elektron va boshqa xabarlari sir saqlanish huquqiga ega ekanligi belgilanmoqda. Bunday huquqlarning cheklanishiga yoki uy-joyda tintuv o‘tkazishga faqat qonunga muvofiq va sudning qaroriga asosan yo‘l qo‘yilishi mustkamlanmoqda.