Insonning sha’ni va qadr-qimmati daxlsizdir
06.04.2023, 16:43
Forish tumanida "Insonga farovonlik, jamiyatga erkinlik, davlatga mas’uliyat" deb nomlangan Konstitutsiyaviy qonun loyihasiga bag‘ishlangan tadbir bo‘lib o‘tdi. Unda xalq deputatlari Jizzax viloyat Kengashi deputatlari – Bozorgul To‘rayeva, Nodira Karimova, Oliy Majlis qonunchilik palatasi huzuridagi Yoshlar parlamenti a’zosi Munisa Xolmatova, mahalliy Kengash deputatlari hamda keng jamoatchilik vakillari ishtirok etdilar.
Tadbir davomida so‘zga chiqqan deputatlar so‘nggi olti-etti yilda ro‘y bergan va har bir mahalla, har bir xonadonga kirib borgan ijobiy o‘zgarishlar misolida respublikamizda inson davlat organlariga emas, balki davlat organlari insonga xizmat qilishi lozim, degan g‘oyaning aholi hayotida chuqur o‘rin olayotgani haqida so‘z yuritdilar.
- “Inson qadri uchun” tamoyili Konstitutsiyada, qonunlarimizda va davlat idoralari faoliyatida bosh mezon bo‘lishi shart, - deydi xalq deputatlari Jizzax viloyat Kengashi deputati Nodira Karimova. - Shu bois, Konstitutsiya loyihasida insonning sha’ni va qadr-qimmati daxlsizdir hamda hech narsa ularni kamsitish uchun asos bo‘lishi mumkin emasligi belgilanmoqda.
Oliy Majlis Qonunchilik palatasi huzuridagi Yoshlar parlamenti a’zosi Munisa Xolmatova esa forishlik yoshlarni 30 aprel kuni bo‘lib o‘tadigan referendumda Yangilanayotgan Konstitutsiyamizni qo‘llab-quvvatlab ovoz berishga chaqirar ekan, yurtimizda yoshlarga yaratilayotgan shart-sharoit va imkoniyatlarga to‘xtalib o‘tdi.
Yosh siyosatchi o‘z chiqishida “Konstitutsiyada yoshlar masalasi alohida bob darajasiga olib chiqilishi Yangi O’zbekistonda yoshlar siyosati ustuvor ekanligiga yaqqol ishoradir”, - deb ta’kidladi.
Ommaviy tadbirda forishlik turli kasb egalari ham so‘zga chiqib, barchani 30 aperl kuni bo‘lib o‘tadigan referendumda faol ishtirok etishga chaqirdilar.
Tadbir so‘ngida poytaxtdan tashrif buyurgan san’atkorlarning konsert dasturi tadbirga o‘zgacha bayramona ruh bag‘ishladi.
O`zLiDeP Jizzax viloyat Kengashi
matbuot xizmati
O'xshash yangiliklar
-
Yangi Konstitutsiyadagi talay normalar asosiy elektoratimiz manfaatlarini ifodalamoqda
03.05.2023, 18:29
-
“Referendumda faol ishtirok etamiz” deyishmoqda zarafshonlik yoshlar
28.04.2023, 15:09
-
Yangilanayotgan bosh qomusimizda ishbilarmonlik muhiti yanada yaxshilanmoqda
28.04.2023, 15:07
-
Ertangi kuningizga befarq bo‘lmang, referendumda faol ishtirok eting
28.04.2023, 11:45
-
“King garment textile” korxonasi rahbari Gulrux Xudoyberdiyeva: “Imkoniyatlardan unumli foydalanyapmiz”
28.04.2023, 11:38
Fikringizni qoldiring