Yangi Konstitutsiya xalq dardiga quloq soluvchi davlat asosi!
07.04.2023, 16:43
O`zLiDeP Jizzax viloyat Kengashi Siyosiy ta’lim va deputatlik guruhlari bilan ishlash bo‘limi tomonidan “Jizzax viloyat bolalar ko‘p tarmoqli tibbiyot markazi”da “Yangi Konstitutsiya xalq dardiga quloq soluvchi davlat asosi!” mavzusida davra suhbati tashkil etildi.
Unda O’zbekiston Respublikasi Oliy Majlisi Senati a’zosi Xolida Alimova, Oliy Majlis Qonunchilik palatasi deputati Feruza Negmatova, partiya viloyat Kengashi “Ayollar qanoti” guruhi rahbari Saida Umaraliyeva, partiya faollari hamda tibbiyot xodimlari ishtirok etishdi.
Tadbirda so‘z olgan Senator va deputatlar tibbiyot xodimlariga O’zbekiston Respublikasi Konstitutsiyasi qonun loyihasining mazmun-mohiyati to‘g‘risida atroflicha tushuntirish berib o‘tdilar.
Ta’kidlanganidek, Qulay mehnat sharoitlarida ishlash, mehnati uchun adolatli haq olish, dam olish, davlat hisobidan tibbiy yordamning kafolatlangan hajmini olish, shaharsozlik, budjet sohasida jamoatchilik nazoratini amalga oshirish kabi huquqlarning kiritilishi fuqarolarning iqtisodiy va ijtimoiy himoyasini yanada kuchaytiradi.
“Inson qadri uchun” tamoyili Konstitutsiyada, qonunlarimizda va davlat idoralari faoliyatida bosh mezon bo‘lishi shart. Shu bois, Konstitutsiya loyihasida insonning sha’ni va qadr-qimmati daxlsizdir hamda hech narsa ularni kamsitish uchun asos bo‘lishi mumkin emasligi belgilanmoqda.
Tadbir so‘ngida tashkilotchilar barcha tibbiyot xodimlarini 30 aprel kuni bo‘lib o‘tadigan referendumda faol qatnashishga chorladilar.
Zayniddin Eshqulov,
O`zLiDeP Jizzax viloyat Kengashi
Siyosiy ta’lim va deputatlik guruhlari bilan
ishlash bo‘limi mudiri
O'xshash yangiliklar
-
Yangi Konstitutsiyadagi talay normalar asosiy elektoratimiz manfaatlarini ifodalamoqda
03.05.2023, 18:29
-
“Referendumda faol ishtirok etamiz” deyishmoqda zarafshonlik yoshlar
28.04.2023, 15:09
-
Yangilanayotgan bosh qomusimizda ishbilarmonlik muhiti yanada yaxshilanmoqda
28.04.2023, 15:07
-
Ertangi kuningizga befarq bo‘lmang, referendumda faol ishtirok eting
28.04.2023, 11:45
-
“King garment textile” korxonasi rahbari Gulrux Xudoyberdiyeva: “Imkoniyatlardan unumli foydalanyapmiz”
28.04.2023, 11:38
Fikringizni qoldiring