Ilm olaman degan har bir insonga keng imkoniyat yaratib berilmoqda
10.04.2023, 10:13
Oliy Majlis Konunchilik palatasi deputati Vahobjon Murodqobilovning Samarqand viloyatida aholi bilan uchrashuvlari samarali o‘tmoqda. Deputat muloqotlarda aholiga yangilanayotgan Konstitutsiyamiz mazmun-mohiyati haqida ma’lumot bermoqda.
Quyi palata deputati V.Murodqobilovning Narpay tumani “Sohibkor” MFYda joylashgan 63-umumta’lim maktabida bo‘lib o‘tgan uchrashuvida Bosh qomusimizdan o‘rin olgan normalar haqida ma’lumot berildi.
—Ta’lim olish insonning fundamental huquqlaridan biri, — deydi V.Murodqobilov o‘z nuqtida. — Mamlakatimizda yoshlarning puxta bilim olishi, kasb-hunar egallashi milliy an’ana va qadriyatlarimizga hurmat ruhida kamol topishi yo‘lida e’tibor va g‘amxo‘rlik ko‘rsatish davlat siyosatining ustuvor yo‘nalishiga aylangan. Ilm olaman, bilim olaman, degan har bir insonga keng imkoniyat yaratib berilmoqda. Masalan, yangi tahrirdagi Konstitutsiyaning 51-moddasida fuqarolar davlat ta’lim tashkilotlarida tanlov asosida davlat hisobidan oliy ma’lumot olishga haqli ekani belgilab qo‘yilgani ayni muddao bo‘ldi.
Uchrashuvda aytib o‘tilganidek, Konstitutsiyada davlatning o‘qituvchilar sha’ni va qadr-qimmatini himoya qilish, ularning ijtimoiy va moddiy farovonligi, kasbiy jihatdan o‘sishi to‘g‘risida g‘amxo‘rlik qilish majburiyati ham kuchaytirilmoqda. Bu qoidalar mamlakatimizdagi 685 ming nafardan ortiq o‘qituvchilarning professional o‘sishi hamda ijtimoiy va moddiy qo‘llab-quvvatlanishi ularning jamiyatdagi ijtimoiy maqomi, obro‘sini yanada oshirishga xizmat qiladi.
Tadbirda so‘z olganlar kiritilayotgan o‘zgarishlar haqida o‘z fikr-mulohazalarini bildirarkan, ayniqsa, Asosiy qonunimizda nogironligi bor bolajonlarga o‘z tengdoshlari bilan bir xil ta’lim olishi uchun barcha sharoitlarni yaratish ko‘zda tutilayotganligini mamnuniyat bilan tilga olishdi.
Yangilanayotgan Konstitutsiyaga kiritilayotgan o‘zgarishlar tufayli iqtidorli yoshlar o‘zlari hohlagan ta’lim turini tanlashi, o‘zlari qiziqan sohada ishlashi mumkinligi ta’kidlandi.
Yakunda yangilanayotgan Konstitutsiya bo‘yicha ishtirokchilarni qiziqtirgan savollarga mutaxassislar tomonidan batafsil javob berildi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring