Bu mening tanlovim – bu mening Konstitutsiyam
12.04.2023, 15:11
Sharof Rashidov tumanidagi “Kuyovboshi” MFYda joylashgan Abdulla Qodiriy nomli Jizzax Davlat Pedagogika universitetining matematika va fizika fakultetida tashkil etilgan ommaviy tadbir ana shunday nomlandi.
Tadbirda Oliy Majlis Qonunchilik palatasi deputati Feruza Nigmatova, mahalliy Kengash deputatlari, partiya faollari hamda universitetning professor o‘qituvchilari va talaba yoshlar ishtirok etishdi
Tadbirda so‘z olgan deputatlar ta’kidlab o‘tganlaridek, Yangilanayotgan Konstitutsiyamizda ta’lim olish huquqi va imkoniyati kengaytiriladi, o‘qituvchilar konstitutsiyaviy maqomga ega bo‘ladi. Bu esa ta’lim sohasida so‘nggi yillarda amalga oshirilayotgan islohotlarning uzviyligiga huquqiy poydevor yaratadi.
Bugungi kunda viloyatda Oliy ta’lim dargohlari soni 5 taga yetdi. Jizzax Davlat pedagogika institutiga universitet maqomi berildi.
- Oliy ta’lim tashkilotlariga akademik erkinlik berilishi, tanlov asosida davlat hisobidan bepul oliy ma’lumot olinishi, nodavlat ta’lim tashkilotlari qo‘llab-quvvatlanishi to‘g‘risidagi qoidalar yosh avlod hayotini yaxshilash, ularning orzu-intilishlarini ro‘yobga chiqarish, zamonaviy mutaxassisliklarni egallagan holda hayotda o‘z o‘rnini topishi va shaxsiy rivojlanishi uchun imkoniyat yaratadi, - deydi Universitetning Yoshlar bilan ishlash, ma’naviyat va ma’rifat bo‘limi boshlig‘i Behzod Nomozov.
Yaratilayotgan bu sharoitlar, imkoniyatlardan unumli foydalanayotgan yoshlar ham so‘z olib, o‘z tengdoshlarini 30 aprel kuni bo‘lib o‘tadigan referendumda faol ishtirok etishga chaqirdilar.
Tadbir so‘ngida taniqli san’atkorlar ishtirokidagi konsert dasturi barchaga bayramona kayfiyat ulashdi.
Sirojiddin Axmatov,
O`zLiDeP Jizzax viloyat Kengashi
Yoshlar va biznes tuzilmalari bilan ishlash bo‘limi
O'xshash yangiliklar
-
Yangi Konstitutsiyadagi talay normalar asosiy elektoratimiz manfaatlarini ifodalamoqda
03.05.2023, 18:29
-
“Referendumda faol ishtirok etamiz” deyishmoqda zarafshonlik yoshlar
28.04.2023, 15:09
-
Yangilanayotgan bosh qomusimizda ishbilarmonlik muhiti yanada yaxshilanmoqda
28.04.2023, 15:07
-
Ertangi kuningizga befarq bo‘lmang, referendumda faol ishtirok eting
28.04.2023, 11:45
-
“King garment textile” korxonasi rahbari Gulrux Xudoyberdiyeva: “Imkoniyatlardan unumli foydalanyapmiz”
28.04.2023, 11:38
Fikringizni qoldiring