Yangi Qomus biznesingizni kafolatlaydi
12.04.2023, 15:27
Urgut tumanidagi “Power Thread” MChJda o‘tgan muloqot esa “Yangi Qomus biznesingiz rivojini kafolatlaydi!” mavzusida bo‘ldi. Unda O‘zLiDeP faollari, tadbirkorlar, korxona ishchilari ishtirok etdi.
Oliy Majlis Qonunchilik palatasi deputati G’ayrat Abdiyev va partiya viloyat kengashi bo‘lim mudiri Jahongir Xo‘jamkulov Yangilanayotgan qomusimizning mazmun-mohiyati, ayniqsa, unda tadbirorlik sub’ektlarining huquqiy himoyasi va kafolatlari xususidagi normalar haqida batafsil ma’lumot berishdi.
- Prezidentimizning oqilona siyosati tufayli iqtisodiy tashabbuskor qatlam – tadbirkor va ishbilarmonlar sinfi shakllandi, – dedi G’ayrat Abdiyev. – Ularga ulkan imtiyoz va preferensiyalar berilgani, erkin faoliyat yuritishlarini kafolatlovchi qonunlar qabul qilingani soha taraqqiyoti uchun muhim omil bo‘lmoqda. Natijada, kichik tadbirkorlik sub’ektlari soni 2016 yilga nisbatan 2,5 barobarga ko‘paydi. Ushbu sub’ektlarda ish bilan band bo‘lgan aholi vakillari soni ham bir necha barobar oshdi. Mana, uzoqqa bormaylik, ushbu korxonada ham 100 dan ortiq turdagi oyok kiyimlari ishlab chiqarilib, nafaqat ichki, hatto tashqi bozorni ham sifatli mahsulot bilan ta’minlamoqda. Yangilanayotgan Asosiy qonunimizda mulkdor va ishbilarmonlar manfaatlari himoyasi har tomonlama kafolatlanayotgani bu boradagi yutuqlarni yanada yangi darajaga olib chiqadi.
Tadbirda so‘z olganlar barchani yangi O’zbekiston taraqqiyoti uchun birlashishga, referendumda faol qatnashishga chaqirdi.
O‘zLiDeP Samarqand viloyat kengashi
matbuot xizmati
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring