Xotin-qizlar barcha sohada o‘zini namoyon etishga haqlidir
17.04.2023, 16:03
O‘zLiDeP O’zbekiston tuman kengashi Ayollar qanoti tashabbusi bilan event tadbir o‘tkazildi.
Madaniyat markazida bo‘lib o‘tgan ushbu tashviqot tadbirida Oliy Majlis Qonunchilik palatasi deputati Mavluda Xo‘jayeva, tuman xokimining xotin-qizlar masalalari bo‘yicha o‘rinbosari Zulfiya Sarimsoqova, Yoshlar parlamenti a’zosi Inomjon Isroilov va aholi vakillari ishtirok etdi.
Mavluda Xo‘jayeva o‘z so‘zida yangi tahrirdagi konstitutsiyaning mazmun-mohiyatini batafsil tushuntirdi. Xususan, hujjatning 58-moddasida xotin-qizlar va erkaklar teng huquqliligi, davlat xotin-qizlar va erkaklarga jamiyat hamda davlat ishlarini boshqarishda hamda boshqa sohalarda teng huquq va imkoniyatlarni ta’minlashi belgilab qo‘yilayotganini alohida ta’kidladi.
Shuningdek, Bosh qomusimizda oila, bolalar va yoshlar uchun alohida bob ajratilgani, davlat va jamiyat bolalarda hamda yoshlarda milliy va umuminsoniy qadriyatlarga sodiqlik, mamlakatidan hamda xalqning boy madaniy merosidan faxrlanish, vatanparvarlik va Vatanga bo‘lgan mehr-muhabbat tuyg‘ularini shakllantirish to‘g‘risida g‘amxo‘rlik qilishi belgilanayotganini tushuntirdi.
Tadbir davomida ishtirokchilarning savollariga atroflicha javob berildi. Ikki yuzga yaqin xotin-qizni o‘zida jamlagan davra suhbati ko‘tarinki kayfiyatda o‘tdi.
Muloqot yakunida notiqlar iishtirokchilarni 30 aprel kuni bo‘lib o‘tadigan referendumda faol ishtirok etishga chaqirishdi.
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring