O‘zLiDeP Andijon viloyat kengashi tashabbusi bilan “Bu mening tanlovim – bu mening Konstitutsiyam!” shiori ostida tashkil etilgan targ‘ibot tadbirida Oliy Majlis Qonunchilik palatasi deputatlari U. Zokirova va J. Ergashev, mahalliy kengash deputatlari,  professor-o‘qituvchilar va talabalar ishtirok etdi.

–  Yurtboshimiz ta’biri bilan aytganda, konstitutsiyaviy islohotni fuqarolarimiz fikri va qo‘llab-quvvatlashi asosida, referendum orqali amalga oshirsak, bu tom ma’noda haqiqiy xalq Konstitutsiyasi bo‘ladi, – dedi kengash raisi Xurshidaxon Xalilova. – Mana shunday uchrashuvlar, ochiq muloqotlar ayni maqsadlarimizni amalga oshirishda katta imkoniyat bermoqda.

Tadbirda ishtirok etgan Yevropada xavfsizlik va hamkorlik tashkiloti demokratik institutlar va inson huquqlari bo‘yicha byurosining uzoq muddatli kuzatuvchilari Marketa Nekvidova va Antich Miloshning fikrlari ham yig‘ilganlarga katta qiziqish uyg‘otdi. Muloqot qizg‘in savol-javoblarga ulanib ketdi.

Muyassarxon UMURZOQOVA,

O‘zLiDeP Andijon viloyat kengashi

bo‘lim mudiri