Yangilanayotgan konstitutsiyaviy qonun loyihasi bo‘yicha tashviqot tadbirlari  joylarda  davom etmoqda.

Mazkur mazundagi tashviqot tadbiri Taxtako‘pir tumani  Qara oy ovulidagi  “Good salt product” MChJda tashkil qilindi. Unda Oliy Majlis Qonunchilik palatasidagi O‘zLiDeP fraksiyasi a’zosi  B. Aldamuratov, targ‘iot guruhi a’zolari va korxona xodimlari ishtirok etdi.

Notiqlar bosh qomusimizga kiritilayotgan o‘zgartish  va qo‘shimchalar bo‘yicha atroflicha ma’lumotlar berishdi. Jumladan,  xususiy mulk daxlsiz mulkdor o‘z mol-mulkidan qonunda nazarda tutilgan hollardan va tartibdan tashqari hamda sudning qaroriga asoslanmagan holda mahrum etilishi mumkin emas. Ushbu normalar mulkiy huquqlarning ishonchli himoyasi va kafolatlarini yanada kuchaytirishga xizmat qiladi.

Fuqarolarni mol-mulkidan sud qarorisiz mahrum etmaslik to‘g‘risidagi me’yorning kiritilishi esa kelajakda aholining turmush farovonligini oshirish, yurtimizda tadbirkorlik faoliyatini yanada qo‘llab-quvvatlash, mulkchilik munosabatlarini huquqiy jihatdan kafolatlash, xususiy mulkning daxlsizligini kuchaytirishga katta turtki bo‘ladi.

Yangi Konstitutsiyada barcha mulk shakllarining teng huquqliligi, tadbirkorlarning qonunchilikka muvofiq har qanday faoliyatni mustaqil tanlashi va amalga oshirishga haqli ekanligi kafolatlanyapti.

Muloqot davomida ishtirokchilar o‘zlarining fikr va takliflarini ham bildirishdi. Bunday tadbir Taxtako‘pir  tumanidagi 1, 6 va 10-MTMda ham tashkil qilindi.  

O‘zLiDeP Qoraqalpog‘iston Respublikasi

kengashi matbuot xizmati