Yangilanayotgan Konstitutsiyaning mazmun-mohiyatini keng jamoatchilikka targ‘ib qilish maqsadida  tashkil etilgan ishchi guruhlar eng chekka hududlargacha borib targ‘ibot, tashviqot tadbirlari tashkil etmoqda.

O‘ZLiDeP Zarafshon shahar kengashi kasb-hunar maktabida yoshlar bilan muloqot tashkil etdi.  Unda Oliy Majlis qonunchilik palatasi deputati A. To‘ligenova, partiya Navoiy viloyati kengashi apparat rahbari M. Eshniyozov so‘zga chiqib, yangilanayotgan konistitutsiyaning 46-moddasida aholining ijtimoiy himoyaga muhtoj toifalarini qo‘llab-quvvatlash, jamiyatda ijtimoiy tengsizlikni yumshatish, munosib turmush sharoitlarini yaratish, hech kim e’tibordan chetda qolmasligi uchun davlatning fuqarolar oldidagi ijtimoiy mas’uliyatini kuchaytirishga qaratilgan normalar mustahkamlanayotganini aytishdi.

Tadbir davomida yoshlarning savollariga batafsil javob berishdi. O’z navbatida o‘g‘il-qizlar ham Konistitutsiyaga kiritilayotgan o‘zgarishlardan mamnunliklarini bildirib, 30 aprel kuni bo‘ladigan referendumga faol ishtirok etish istagini bildirishdi.

O‘zLiDeP Navoiy viloyat kengashi

matbuot xizmati