Tomorqa – xazina manbai

28.04.2023, 17:22

Tomorqa – xazina manbai

Yurtimizda oilaviy tadbirkorlikni rivojlantirish, ayniqsa aholining tomorqadan unumli foydalanishini qo‘llab-quvvatlashga qaratilayotgan e’tibor yuksak samara bermoqda.

O’zbekiston fermer, dehqon xo‘jaliklari va tomorqa yer egalari kengashi va O‘zLiDeP Siyosiy Kengashi Ijroiya qo‘mitasi raisi Aktam Xaitov boshchiligida Sirdaryo viloyati Oqoltin tumani Shodlik mahallasida tomorqadan samarali foydalanish, dehqonchilikda mashhur ushbu tuman tajribasini ommalashtirish maqsadida “Tomorqa – xazina manbai” mavzusida seminar tashkil etildi.

Unda siyosiy kuch va tuzilmaning viloyatdagi mas’ul xodimlari, sektor rahbarlari, hokim yordamchilari va yoshlar yetakchilari ishtirok etdi. Unda “Bir mahalla – bir mahsulot” tamoyili asosida ertaki, takroriy, to‘qsonbosti ekinlar ekish, sabzavotlarni parvarishlash, ixcham issiqxona qurish, hosilni yig‘ishdan sotishgacha, umuman tomorqaga xizmat ko‘rsatish yuzasidan atroflicha fikr almashildi.

Shuningdek, seminar ishtirokchilariga ko‘chatchilik, so‘ritok usulida uzum yetishtirish, limonchilik, intensiv baliqchilik, quyonchilik, asalarichilik, parrandachilik, biogumus ishlab chiqarish, dala do‘konlari qurish, kichik muzlatkichlar uchun kreditlar ajratish tartib-taomillari to‘g‘risida ham ma’lumot berildi.

Yakunda sektor rahbarlari, soha mutaxassislari va hokim yoramchilariga tomorqalardan oqilona foydalanib, yiliga ikki-uch marta hosil olishni keng joriy etish bo‘yicha taklif va tavsiyalar berildi.

Elyor JO’RAYEV,

O‘zLiDeP Sirdaryo viloyat kengashi

bo‘lim mudiri

  • Ko'rildi
    562
  • Chop etish
  • Do'stlar bilan ulashish
← Orqaga qaytish

Fikringizni qoldiring

+