Aholi murojaatlarining ijrosi – deputat faoliyatiga tutilgan ko‘zgudir. Ko‘pchilikni tashvishga solayotgan muammolarga partiyaviy vositalar bilan yechim topayotgan, el dardini o‘z dardi, deb bilgan xalq noiblari saylovchilar ishonchini qozona olishadi.

Zomin tumanidagi 36-“Navoiy” saylov okrugidan saylangan xalq deputatlari O’zLiDeP viloyat Kengashi deputati Erkin Xolmatov ana shunday xalq noiblaridan biri.

Saylovchilar unga ishonib bildirilgan birorta murojaat deputat nazoratidan chetda qolmaydi. Buni  hudud aholisi yaxshi biladi. Shu sabab, nafaqat hududdagi katta yoshdagi aholi, balki yoshlar ham muammolar yuzasidan  yordam va yo‘l-yo‘riq so‘rab deputatga bot-bot murojaat qilib turishadi.

Qo‘shtol MFYda istiqomat qiluvchi 1-guruh nogironlari - Zuhra Oqbo‘tayeva va Nigora Orziqulovalar ham deputatga murojaat qilib, tibbiy muolaja olishda yordam berishni so‘rashdi.

Mazkur murojaatlar darhol deputat nazoratiga olindi hamda ishchi guruh tomonidan ularning oilaviy ahvoli o‘rganildi. Ayni paytda murojaatchilarga amaliy yordam ko‘rsatish borasida ish olib borilmoqda.

Ta’kidlash lozimki, nafaqat murojaatchilar, balki hududdagi Gulshan, Navoiy QFY, Pshag‘or, Nurlikent, Qo‘shtol, Yoshlik MFYlarda yoshlar bilan ham muntazam ravishda muloqotlar tashkil qilinmoqda. 14 nafar nogiron  yoshlar esa bevosita doimiy deputatlik nazoratiga olingan.

Xolbek ASATOV,

O’zLiDeP Jizzax viloyat Kengashi

Siyosiy ta’lim va deputatlik guruhlari bilan

ishlash bo‘limi mudiri