Mazkur anjumanda  Oliy Majlis Senati a’zosi Xolida Alimova, xalq deputatlari Jizzax viloyat Kengashidagi O`zLiDeP deputatlik guruhi a’zolari, O`zLiDeP viloyat Kengashi Siyosiy ta’lim va deputatlik guruhlari bilan ishlash bo‘lim mudiri Xolbek Asatov, Yoshlar va biznes tuzilmalari bilan ishlash bo‘limi mudiri Sirojiddin Axmatov, xalq deputatlari Zarbdor tuman Kengashi deputatlari  hamda boshlang‘ich partiya tashkilotlaridan saylangan delegatlar ishtirok etishdi.

Konferensiya kun tartibida delegatlar tomonidan ikkita masala ko‘rib chiqildi. Birinchi masala yuzasidan Xalq deputatlari tuman Kengashidagi O`zLiDeP deputatlik guruhi rahbari  Anvar Aralov so‘zga chiqib, partiya Zarbdor tuman Kengashi faollarining O’zbekiston Respublikasi Prezidentligiga bo‘lib o‘tadigan saylovdagi ishtiroki borasida  oldinda turgan galdagi vazifalarga batafsil  to‘xtalib o‘tdi.

Shundan so‘ng Tadbirkorlar va ishbilarmonlar harakati – O’zbekiston Liberal-demokratik partiyasi Jizzax viloyat hududiy partiya tashkilotining navbatdagi Konferensiyasiga O`zLiDeP Zarbdor tuman partiya tashkilotidan delegatlar saylash to‘g‘risidagi masala ko‘rib chiqilib, ishtirokchilar tomonidan bildirilgan takliflar asosida 4 nafar delegat saylab olindi.

Konferensiya davomida ko‘rib chiqilgan masalalar yuzasidan ishtirokchilarning fikr-mulohazalari tinglanib, tegishli qarorlar qabul qilindi.

O’zLiDeP Jizzax viloyat Kengashi

Matbuot xizmati