Mamlakatimizda katta siyosiy tadbir – muddatidan ilgari O’zbekiston Respublikasi Prezidenti sayloviga qizg‘in tayyorgarlik ko‘rilmoqda.

O‘zLiDeP Parkent tuman partiya tashkilotining navbatdagi konferensiyasida ham saylovda faol ishtirok etish hamda viloyat konferensiyasiga delegatlar saylash masalasi muhokama qilindi.

Ayni paytda o‘z safida 4 700 dan ziyod a’zoni birlashtirgan kengashda salkam 43 ta boshlang‘ich partiya tashkiloti mavjud. Hozirda ushbu tayanch bo‘g‘inlarining barchasida Prezident saylovini uyushqoqlik bilan o‘tkazish hamda shahar konferensiyasiga delegatlar saylash masalalariga bag‘ishlangan umumiy yig‘ilishlar o‘tkazildi.

Tadbirda siyosiy jarayonga puxta tayyorgarlik ko‘rish,  liberalchilar g‘oyalarini keng aholi orasida yanada keng targ‘ib qilish vazifalari belgilab olindi. So‘zga chiqqanlar e’tirof etganidek, barcha sohalardagi islohotlar xalqimiz farovonligi uchun amalga oshirilmoqda. Birgina tadbirkorlik faoliyatini zamonaviy bozor munosabatlari talablaridan kelib chiqib yanada erkinlashtirildi, raqobatni qo‘llab-quvvatlash orqali davlatning iqtisodiyotga aralashuvi cheklandi.

Qizg‘in bahs-munozaralarga boy tarzda bo‘lib o‘tgan tadbirda viloyat partiya tashkiloti konferensiyasiga delegatlar saylandi.

O‘zLiDeP Toshkent viloyat kengashi

 matbuot xizmati