O‘zLiDeP Qoraqalpog‘iston Respublikasi partiya tashkilotining  navbatdagi konferensiyasi o‘tkazildi. Unda partiyaning barcha quyi bo‘g‘inlari, tuman, shahar konferensiyalaridan saylangan delegatlar qatnashdi.

Tadbirni O‘zLiDeP Qoraqalpog‘iston Respublikasi kengashi raisi Sag‘indiq Turmanov boshqardi. Notiq ta’kidlaganidek, yurtimizda qulay investitsiyaviy va ishbilarmonlik muhiti yaratilgan, natijada tadbirkorlar soni qariyb  2 millionga yetdi. Ushbu amaliy ishlar respublikamizning barcha tuman, shaharlarida o‘z ifodasini topmoqda.

Ma’lumot o‘rnida aytish kerakki, mazkur kengashda  86 mingdan ziyod a’zoni birlashtirgan 1 060 ta boshlang‘ich partiya tashkiloti faoliyat olib bormoqda. Yetakchi partiyaning maqsadi olijanob va tanti xalqimizga sidqidildan xizmat qilish, olib borilayotgan islohotlarni yangi bosqchida davom ettirishdir.

Anjuman so‘ngida O’zbekiston Liberal-demokratik partiyasining XI s’ezdida qatnashish uchun Qoraqalpog‘iston Respublikasidan delegatlar saylandi.

O‘zLiDeP Qoraqalpog‘iston Respublikasi

 kengashi matbuot xizmati