O‘n yillik tomorqachi O‘zLiDeP faollariga master-klass o‘tdi

28.04.2018, 15:11

O‘n yillik tomorqachi O‘zLiDeP  faollariga master-klass o‘tdi

 O‘zLiDeP Qashqadaryo viloyat va Kitob tuman Kengashi tumandagi ijtimoiy-iqtisodiy kasb-hunar kollejida “Shaxsiy tomorqadan samarali foydalanish yo‘llari” mavzusida amaliy seminar tashkil etildi. Unda partiya deputatlari va faollari, shaxsiy tomorqa egalari va yoshlar ishtirok etdi.

Tadbirda qishloq xo‘jaligi ishlab chiqaruvchilarini yanada qo‘llab-quvvatlash, ekin maydonlaridan foydalanish samaradorligini oshirish farovonlikni oshirishga xizmat qilishi alohida ta’kidlandi. 

–Tomorqamizdagi ekin maydonlaridan samarali foydalana boshlaganimizdan so‘ng, ro‘zg‘orimizga baraka kirdi, – deydi “Xalqlar do‘stligi” mahallasida yashovchi Bahodir Haydarov. –  Bundan o‘n yil oldin tomorqamda issiqxona tashkil etib, limon ko‘chatlari ekkan edim.  Har yili o‘n million so‘m daromad qilayapmiz. Bugungi tadbir qatnashchilariga tomorqachilikdagi tajribam haqida so‘zlab berdim. O‘zLiDePning bu kabi amaliy seminarlari aholining yerga bo‘lgan munosabatini o‘zgartirishga yaqindan yordam berishiga  ishonaman. 

Tadbirda viloyat Davlat soliq boshqarmasi mutasaddilari tomonidan ekin yerlaridan maqsadli va samarali foydanib, tomorqasidan ikki-uch bor hosil olayotgan, chorva mollari va parranda bosh sonini ko‘paytirishga erishgan tomorqa yer egalariga yer solig‘i stavkasini pasaytiruvchi koeefitsiyentni qo‘llash kabi imtiyozlar berish, tomorqasiga ekin ekmagan yer egalariga esa uch baravar ziyodroq soliq solinishi haqida batafsil ma’lumotlar berildi.

                        Olimjon MAVLONOV,

 O‘zLiDeP Qashqadaryo viloyat Kengashi

siyosiy ta’lim markazi  rahbari

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
BPT
  • Ko'rildi
    1082
  • Chop etish
  • Do'stlar bilan ulashish
← Orqaga qaytish

Bildirilgan fikrlar

А.Аптаров O’zLiDeP Навоий вилоят Кенгаши ходими. 2018-05-02 16:56:46

Томорқадан унумли фойдаланган ҳам рўзғорни обод этади ҳам аҳоли дастурхонининг тўкинлиги, бозордаги нарх-навонинг барқарорлигини таъминлашга ўз ҳиссасини қушган бўлади.


Андижон туман "Ахмад Жура "ф\х БПТ раиси Р.Саидов 2018-05-01 17:05:35

БПТ томонидан олиб борилаётган лойиха жуда хам яхши натижалар бериб келмокда бугунги кунда хонадонларга кириб урганиш эмас балки таёр махсулотлларни хонадонди узидан агрофирмалар оркали шартнома асосида сотиб олиш жараёнлари кетмокда.


Олтинкўл туман Кенгаши ижрочи котиби Б.Тўхтасинов2018-05-01 15:22:22

Баҳодир Ҳайдаров каби томорқа ер эгалари бизнинг туманда хам жуда кўп шу туфайли ўтган 2017 йилда хар бир махалла фуқоролар йиғинлари қошида агрофирмалар ташкил этилди.Бунинг натижасида хар бир томорқачи ўз томрқасида етиштирган ўз эхтиёжидан ташқари махсулотини агрофирмага сотмоқдалар.Агрофирмалар эса бу махсулотларни четга экспорт килишиб келишмоқда. Бундай йўналишни бутун республикага тадбиқ қилиш керак.


Қашқадарё вилоят Сиёсий таълим маркази раҳбари О. Мовланов2018-05-01 15:15:26

Томорқаларимиздан унумли фойдаланиш, Президентимиз томонларидан олиб борилаётган қишлоқ хўжалигида амалга оширилаётган кенг кўламли ислоҳотларни электоратимиз вакилларига етказиш ва бу борада партиянинг ролини янада ошириш муҳим аҳамият касб этади!


Холбеков Исломбек Абдуллаевич, O’zLiDeP Самарқанд вилоят Кенгаши Ташкилий-партиявий ишлар бўлими бош консультанти-БПТ билан ишлаш гуруҳи раҳбари 2018-05-01 10:36:01

Яхши меҳнат қилсанг, ерга меҳр берсанг, томорқадан йилига 3-4 марта ҳосил олиш мумкин. Шунинг учун хонадонимиз обод, рўзғоримизда барака бўлади. Таъкидлаш жоиз, бугун тадбиркорлик билан шуғулланаман, иссиқхона қураман деган одам учун барча имкониятлар етарли. Бироқ уларга кўмак, тавсия бериш керак.


Б.Эшмуродов Қамаши туман Кенгаши депутати 2018-04-30 16:00:58

Томорқа — ризқ-насиба, мўмай даромад манбаи. Унинг дастурхонимиз файзу баракаси, аҳоли турмуш фаровонлиги, юрт ободлигини таъминлашдаги ўрнининг эса қиёси йўқ. Ҳамма гап ундан нечоғли оқилона фойдалана олишда. айни экин-тикин мавсумида фурсатни қўлдан бой бермай, кафтдек ерни ҳам бўш қолдирмасдан экин экиш, ниҳол қадаш, ер-сув ресурслари, яратилган ишлаб чиқариш салоҳиятидан унумли фойдаланиш, пировардида аҳоли бандлиги ҳамда турмуш фаровонлигини таъминлашга мустаҳкам пойдевор яратиши муқаррар.Энди дўппини бошдан олиб, бир мулоҳаза қилиб кўрайлик-чи, нега Президентимиз ердан, хусусан, томорқадан оқилона фойдаланиш ҳақида бот-бот сўз юритаяпти? Аввало, сизу бизни бугунгидан-да тўқ ҳамда фаровон яшашимизни истаяпти. Шундай экан, ушбу эзгу мақсадга эришиш учун нима қилиш керак? Енг шимариб, ақл билан иш юритиш, бебаҳо бойлик саналган томорқадан унумли фойдаланиш лозим. Зеро, бугун “Олма пиш, оғзимга туш” қабилида кун кечирадиган пайт эмас. Бир парча еримиз бўлса ҳам, унга кўпроқ фойда келтирадиган, мўл ва харидоргир ҳосил берадиган экин экиш зарур. Бу борада деҳқонларга нимаики ёрдам керак бўлса, барчаси муҳайё этилаяпти.


Ш.Радждапов Шахрисабз туман Кенгаши аппарат раҳбари2018-04-30 15:38:13

Вилоятимиздаги ҳар бир туманда худди шундай шахсий томорқа бўйича ўқув - семинари ўтказилса мақсадга мувофиқ бўларди


Исмоилова Холида Хатирчи туман Навбахор БПТ раиси2018-04-30 11:42:57

Томорқа хўжалиги бугун қишлоқ шароитида даромат топишнинг энг қулай усули деб ҳисоблайман Буни яхши англаган юртдошларимиз сони тобора ортиб бораётгани янада қувонарли ҳол.


Аброр2018-04-30 11:38:12

Баҳодир Ҳайдаров каби тажрибали миришкор, томорқадан унумли фойдаланидиган юртдошларимиз кўпаяверсин.


Алибек Рахматов2018-04-30 10:42:54

Баҳодир Ҳайдаров иштирокчиларга куплаб янги ғоялар берди шундан Қашқадарё шароитида томорқа ер майдонларини суғаришда томчилатиб ва ёмғирлатиб суғаришни йўлга қўйсак, томорқадан файдаланишимизда хичқандай муаммога дуч килмаслигимизни такидлади


Fikringizni qoldiring

+