O‘zLiDeP hududiy Kengashlari o‘quv-seminarining navbatdagisi Navoiy viloyatida tashkil etildi

29.05.2018, 16:04

O‘zLiDeP hududiy Kengashlari o‘quv-seminarining navbatdagisi Navoiy  viloyatida tashkil etildi

Avval xabar qilinganidek, O‘zLiDeP Siyosiy Kengashi Ijroiya qo‘mitasi Siyosiy ta’lim markazi tomonidan partiya viloyat, tuman va shahar Kengashlari raisining birinchi o‘rinbosarlari, mahalliy Kengashlardagi partiya deputatlik guruhi rahbarlari va ijrochi kotiblari malakasini oshirish uchun joylarda maxsus o‘quv-seminarlar o‘tkazib kelinmoqda.

Shunday o‘quv seminarlarning navbatdagisi Navoiy viloyatida bo‘lib o‘tdi. Uch kun davom etgan o‘quv-seminar mashg‘ulotlari Siyosiy ta’lim markazi, Fuqarolik jamiyati shakllanishini monitoring qilish mustaqil instituti viloyat hududiy bo‘limi xodimlari hamda psixologlar tomonidan interfaol usulda olib borildi.

–Seminar davomida 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi chuqur o‘rgatildi, – deydi O‘zLiDeP Siyosiy Kengashi Ijroiya qo‘mitasi Siyosiy ta’lim markazi Barno Abdullayeva. – Shuningdek, davlat va jamiyat qurilishini takomillashtirish, qonun ustuvorligini ta’minlash va sud-huquq tizimini yanada isloh qilish, iqtisodiyotni yanada rivojlantirish va liberallashtirish, ijtimoiy sohani taraqqiy ettirish, xavfsizlik, millatlararo totuvlik va diniy bag‘rikenglikni ta’minlash, chuqur o‘ylangan, o‘zaro manfaatli va amaliy ruhdagi tashqi siyosat yuritish bo‘yicha strategiyada belgilab berilgan aniq, hayotiy islohotlar hamda  ularni amalga oshirish mexanizmlarining ilmiy-nazariy asoslariga bag‘ishlangan ma’ruzalar tinglandi. Bu borada partiya oldida turgan ustuvor vazifalar, tegishli qonunlarning bugungi zamon ruhiga mosligi, ularga kiritilishi lozim bo‘lgan o‘zgartish va qo‘shimchalar haqida fikr almashildi. 

Seminarning keyingi kunlari uchun tanlangan mavzular ham dolzarbligi bilan ishtirokchilarda katta qiziqish uyg‘otdi. Ularga partiya viloyat, tuman va shahar Kengashlari raisining birinchi o‘rinbosarlari – apparat rahbarlari, xalq deputatlari viloyat, tuman shahar Kengashlaridagi partiya deputatlik guruhi ijrochi kotiblarining vazifa va vakolatlari, partiya faoliyatiga oid xujjatlar bilan ishlash, partiya tomonidan e’lon qilingan loyihalarni amalga oshirishga oid zarur bilim va ko‘nikmalar berildi.

                                                              O‘zLiDeP Navoiy viloyat Kengashi

matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
STM
  • Ko'rildi
    1226
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Қ.Эшқораева Навоий вилояти, Учқудуқ тумани ижрочи котиб2018-05-31 15:47:20

O'zLiDeP Сиёсий Кенгаши Ижроия Қўмитаси СТМ томонидан ўтказилган ўқув семинар жуда ҳам самарали ва баҳс ва мунозараларга бой тарзда бўлди. Ўзим Учқудуқ туманида ижрочи котиб бўлиб ишлайман. Бу семинарда жуда кўп билим ва малакага эга бўлдим. Сиёсий билимларим ошди. Шу каби ўқув семинарларни кўпроқ туманларда ҳам ташкил этилииши БПТ расларининг аъзоларининг ҳам сиёсий дунёқараши ва билимларини янада орттиради.


С.Саркисова O'zLiDeP Когон туман Кенгаши ДГ гуруҳ ижрочи котиби2018-05-30 13:13:53

Учебные семинары проводимые в областях пополнят наши знания и мы будем применять их в своей практике. Это даст положительный эффект в деятельности первичных партийных организаций а также депутатов. А особенно принятые и принимаемые законы, указы партией и правительством нашей Республики будем доводить до сведения нашего населения.


Ботирали Турдиев Қамаши туман Кенгаши ижрочи котиби2018-05-30 12:00:01

Бундай ўқув семинарларнинг ўтказилиши келгусида партиямизда ишлаётган ходимларимизни салоҳиятини оширади, маҳаллий ижро этувчи ҳокимият органлари ишини таҳлил қилиб боришда ва берилаётган топшириқларни ўз вақтида бажарилишига туртки бўлади.Ушбу ўқув-семинарлар фақатгина шаҳар,туман Кенгаши аппарат раҳбарлари, халқ депутатлари туман кенгашидаги партия депутатлик гуруҳи ижрочи котиблари ҳамда депутатлик гуруҳи раҳбарларигагина эмас, балки партиямизнинг асосий буғини ҳисобланган БПТ раислари учун ҳам Сиёсий Кенгаш томонидан ўқувлар ташкил этилса, БПТ фаолияти янада жонланган бўлар эди.


Д.Вафоева -Қашқадарё вилоят Кенгаши депутатлик гуруҳи ижрочи котиби2018-05-30 09:40:04

Сиёсий фаоллик –юрт истиқболи, миллат келажагига дахлдорлик, олдимизда турган масъулиятни тўлақонли ҳис этишдир. Бугунги жараён эса ҳар бир партия ходими ва депутатидан ўзининг сиёсий билими ва тажрибасини муттасил ошириб боришини талаб қилмоқда


Бафоев Саттор O’zLiDeP Бухоро туман Кенгаши раисининг 1-ўринбосари-аппарат раҳбари 2018-05-30 09:26:53

Вилоятларда O‘zLiDeP Сиёсий Кенгаш Ижроия Қўмитаси Сиёсий таълим макази томонидан ўтказилаётган амалий ўқув- семинар айни пайтида ташкил этилган. Бу ўқувлар партия ҳодимларининг билим ва кўникмаларини ошириш билан бирга уларнинг фаолиятиларини янада ривожланишига ўз ҳиссасини қўшади.


Носирова Шоира Кармана туман Кенгаши депутати2018-05-29 23:07:13

Cиёсий Кенгаш ижроия қўмитаси Сиёсий таълим маркази томонидан ташкил этилган ўқув семинар депутатлар фаолияти учун яна янги имкониятлар яратади Ўқув семинарда маҳаллий Кенгаш сессияларига масала киритиш тартиб тамоили, жойлардаги ижтимоий-иқтисодий муаммоларни бартараф қилиш чоралари ва усуллари амалий машғулотлар шаклида ташкил этилди.


Қобил Астонов O’zLiDeP Навоий вилояти ҳудудий партия ташкилоти ташкилий-партиявий ишлар бўлими мудири2018-05-29 18:53:20

Сиёсий Кенгаш ижроия қўмитаси Сиёсий таълим маркази томонидан ташкил этилган ўқув семинар ижрочи котиблар, аппарат раҳбарлари ва депутатлари учун ўз вақтида ташкил этилди десам муболаға бўлмайди. Ўқув семинарда депутатлар томонидан маҳаллий Кенгаш сессияларига масала киритиш тартиб тамоили, жойлардаги ижтимоий-иқтисодий муаммоларни бартараф қилиш чоралари ва усуллари билан таништирилди. Шу ўирнда БПТ фаолиятини тубдан қайта кўриб чиқиш, уларни партиявий билимларини янада мустаҳкамлаш, фаоллигини ошириш бўйича кенг қамровли тушунчалар берилди.


Jo'rabek Aslonov, Navoiy viloyati2018-05-29 18:35:53

Seminar bahs-munozaralarga boy, qizg'in tarzda o'tmoqda.


Сарвар Бекмуродов O’zLiDeP Қашқадарё вилоят кенгаши депутатлар билан ишлаш бўлими мудири2018-05-29 17:49:57

УзЛиДеп томонидан ташкил этилган ва давом этаётган укув-семинарларида қатнашаётган депутатлар ва ходимларнинг келгуси иш фаолиятида муҳим хисобланади.


Холмат Тўраев Жиззах вилояти2018-05-29 17:46:48

Шу каби ўқув семинарларининг ташкиллаштирилиши- партия ходимларининг билим ва малакасини оширилишига хизмат қилади


Fikringizni qoldiring

+