O‘zLiDeP deputatlari kompyuterlarsiz informatika darslari o‘tilayotgan maktab muammosi bilan shug‘ullanadi

31.05.2018, 17:45

O‘zLiDeP deputatlari kompyuterlarsiz informatika darslari o‘tilayotgan maktab muammosi bilan shug‘ullanadi

O‘zLiDeP Farg‘ona viloyat Kengashi tomonidan Qo‘shtepa tumanidagi  “O‘qchi” MFYda sayyor qabul tashkil etildi.

Unda tuman hokimligi, tuman Suvoqava, Elektr ta’minoti korxonasi, Yo‘l xo‘jaligi, Bandlikka ko‘maklashish markazi, “Agrobank” AT banki, AT “Xalq banki” vakillari ishtirok etdi.

Sayyor qabul davomida gaz ta’minoti, elektr, qishloqlardagi kommunal va uy-joy masalalari, ichki yo‘llarni ta’mirlash, tibbiy xizmat sifatini oshirish, maktab va maktabgacha ta’lim muassasalarini ta’mirlash hamda bandlik masalalari yuzasidan aholining murojaatlari o‘rganildi.

Sayyor qabulda “O‘qchi” MFYda yashovchi Gulbahor So‘fiyeva murojaati ijobiy hal etildi. U mutasaddilardan ruhiy kasal bo‘lgan turmush o‘rtog‘iga nogironlik nafaqasini tayinlashni so‘radi. Tuman hokimligi va Xalq deputatlari tuman Kengashidagi O‘zLiDeP deputatlik guruhi a’zolari fuqaro murojaatini o‘rgangach, Nurmuhammad Yuldoshevga qonunda belgilangan tartibda nafaqa tayinlanadigan bo‘ldi.  

Qabulda shuningdek, hudud aholisi nomidan so‘z olgan Mamlakat Jo‘rayeva 27-sonli umumta’lim maktabi uzoq yillar davomida ta’mirlanmagani, o‘quvchilar 1958 yillardagi yaroqsiz ahvolga kelib qolgan partalarda ta’lim-tarbiya olayotganidan shikoyat qildi. Maktabda informatika darslari kompyuterlarsiz o‘tilishi, kimyo, fizika fanlari xech qanday laboratoriya xonalarisiz olib borilishini kuyunib gapirdi. Ushbu murojaat ham O‘zLiDeP deputatlik guruhi tomonidan nazoratga olindi.

Sayyor qabul davomida aholi tomonidan kelib tushgan 10 dan ortiq muammolar shu yerning o‘zida hal etildi, qolganlari nazoratga olindi.

Sh. TOLIPOVA,

 O‘zLiDeP Farg‘ona viloyat Kengashi

matbuot xizmati kotibi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1254
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Даврон Темиов.O‘zLiDeP Бўка туман Кенгаши ижрочи котиби2018-06-04 11:35:07

Мактабда информатика дарслари компютерларсиз ўтилиши, кимё, физика фанлари хеч қандай лаборатория хоналарисиз олиб борилишини бу жуда аянчли ҳолат. Ушбу мурожаат O‘zLiDeP депутатлик гуруҳи томонидан назоратга олинган экан, биз ишни охирига етказишлари учун партиядошларимизга куч-ғайрат тилаймиз.Зеро,бугунги авлоднинг ҳар томонлама баркамол бўлиши бизнинг саъй- ҳаракатларимизга боғлиқ.


Шамшод Жафаров 2018-06-01 16:01:03

Ўз ечимини кўтиб турган қатор муаммолар бор.Шу қатори таьлим соҳасида хам аста -секин ҳал қилиноётганидан жуда хурсандмиз.


Томди тумани 12-сонли мусиқа мактаби МФЙ-2 БПТ раиси Е.Тангатаров2018-06-01 12:15:04

Мамлакатимизнинг ривожланиши янги босқичга кўтарилаётган бир вақтда, таълим тарбияга бўлган эътиборнинг нақадар юқорилигига қарамасдан, юртимизнинг чекка ҳудудларида бундай мактабларнинг борлиги ачинарли ҳолдир. Мактабда информатика дарслари компютерларсиз ўтилиши, кимё, физика фанлари хеч қандай лаборатория хоналарисиз олиб борилишини, бартараф этиб, раҳбарларни озгина бўлсада ўз ишига виждонан ёндашишига O‘zLiDeP депутатлик гуруҳи томонидан ўрнатилган назорат туртки бўлса ажаб эмас. Депутатларимиздан ушбу муаммо юзасидан янгилик кўтиб қоламиз.


Томди тумани агроиқтисодиёт касб-хунар коллежи БПТ раиси И.Тулепова2018-06-01 11:57:49

айёр қабуллар чекка худудларда кўпроқ ташкил этилиб борилса, худуддаги ахолини қинаб келаётган муаммоларни хал этишга депутатларимиз қолидан келганича ёрдам беради деб уйлайман. Шунингдек, юртимиз ва халқимизнинг фаровонлигини ошиб боришига катта хизмат қилади.


Шовот туман Кенгаши ходими2018-06-01 10:59:35

Ташкил қилинаётган сайёр қабуллар давомида ҳал қилинаётган муаммолардан халқнинг розилиги, партияга бўлган ишончи ортиб бормоқда.


П.Бўриев O`zLiDeP Шеробод туман Кенгаши Мафкурави. тарғибот-ташвиқот бўйича раис ўринбосари.2018-06-01 09:44:16

Сайёр қабул давомида аҳоли томонидан келиб тушган муаммоларни ижобий ҳал этишимиз лозиХозирги кунда мамлакатимизнинг шиддат билан ривожланиб бораётганлигига хаммамиз гувох бўлиб турибмиз. Мухтарам Президентимиз ташаббуслари билан хар бир сохада ислохотлар олиб борилмоқда. Лекин шунга қарамай чекка худудларда бу каби қолоқ мактабларнинг хали хам мавжудлиги ачинарли хол албатта. Жойларда сайёр қабуллар ташкил этиб, бу каби холатларнинг депутатларимиз томонидан назоратга олинганлиги келажакда ўзининг самарали натижасини беради деган умиддамиз. Партиямиз фаоллари чарчаманг ишларизга ривож!


Улуғбек Ишанходжаев - O'zLiDeP Тошкент шаҳар Кенгаши аппарати бўлим мудири2018-06-01 09:22:39

Сайёр қабуллар жойларда кўпроқ ташкил этилиб борилса, жойлардаги муаммоли масалалар ечилиб боради. Бу амалий ишларни фаоллаштириш керак. Аҳолини дардини эшитиб уларга ёрдам бериш катта савоб ишдир. Шунингдек, юртимиз ва халқимизнинг фаровонлигини ошиб боришига катта хизмат қилади.


Акбар Якубов, Жиззах вилояти2018-06-01 09:16:28

Сайёр қабул давомида аҳоли томонидан келиб тушган муаммоларни ижобий ҳал этишимиз лозим


Х.Абидова Қува туман Кенгаши депутати "Раста" БПТ раиси 2018-06-01 08:37:58

Халқимизни ичига кириб бориб муаммоларини жойида ўрганиб ҳал этмас эканмиз биз халққа беписандлик қилганимиз шу, шунинг учун халқ ноиби бўлиб сайланган инсон халқ ишончини оқлаш лозим.


И.Умирзақов Қува тумани "Акбаробод" ҚФЙ БПТ раиси туман Кенгаши депутати2018-06-01 08:35:04

Депутатларимизни халқ бирон бир корига яраши бу халқни рози қилди деганидир, эртага халқ олдида юзи ёруғ бўлади


Fikringizni qoldiring

+