Qarovsiz yotgan maktab bo‘yicha so‘rov

08.06.2018, 12:39

Qarovsiz yotgan  maktab bo‘yicha so‘rov

O‘zLiDeP Farg‘ona viloyat Kengashi matbuot kotibi Shohistaxon Tolipovaning xabar qilishicha, Qo‘shtepa tumanidagi 27-umumiy o‘rta ta’lim maktabi binosi oltmish yil avval qurilgan. Oxirgi o‘ttiz yilda bu maktab borligi, unda bolalar ta’lim-tarbiya olayotgani biror bir mutasaddining xayoliga kelmagan, chog‘i. Zero, o‘quv binolari mutlaqo talabga javob bermasligi, o‘quv jihozlari butkul yaroqsiz holatga kelganini boshqacha ta’riflash mushkul. Texnika asrida yashayapmiz-u, o‘quvchilarning bir necha avlodi kompyuter nimaligini bilmasdan maktabni tugatganiga ishonmassiz, balki. Ammo bu – fakt! Kimyo, fizika kabi aniq fanlar uchun maxsus jihozlangan laboratoriyalarni kinolardagina ko‘rishgan.

O‘zLiDeP faollari tomonidan Qo‘shtepa tumanidagi “O‘qchi” MFYda tashkil etilgan sayyor qabulda qarovsiz qolib ketayotgan ta’lim dargohiga alohida e’tibor qaratildi. Uzoq yillar davomida shu maktabda mehnat qilgan Mamlakat aya Jo‘rayevaga quloq tutildi:

– Biz bu muammo bo‘yicha o‘n yildan buyon katta eshikli idoralarga qatnaymiz. Har safar maktab dasturga kiritilgan, muammo tez orada hal bo‘ladi, deyishadi. Lekin amalda hech nima bo‘lmadi. Bitta g‘isht olib kelishgani yo‘q hatto. To‘g‘risi, eshikma-eshik yuraverib juda charchadik. Bizning qishlog‘imiz bolalarining ham zamonaviy maktabda o‘qishga, kompyuter texnologiyalarini o‘rganishga haqi bor-ku, axir!

Kuyunchaklik bilan aytilgan bu gaplar O‘zLiDeP Farg‘ona viloyat Kengashining jismoniy va yuridik shaxslar murojaatlari bilan ishlash bo‘limi mudiri, xalq deputatlari viloyat Kengashi deputati Matluba Maxametovaning navbatdagi deputatlik so‘rovi uchun asos bo‘ldi. Shu kungi sayyor qabulda yigirmadan ortiq muammo tegishli mutasaddilar ishtirokida ko‘rib chiqilib, qariyb yarmiga joyida yechim topildi.

Darhaqiqat, partiya vakillarining aholi bilan muloqoti, Qo‘shtepadagidek sayyor qabullar joylarda mavjud muammolarning kun tartibiga qo‘yilishida muhim ahamiyat ega bo‘lmoqda. Ayniqsa, kommunal xizmat ko‘rsatish sifatini yaxshilash, yo‘llarni ta’mirlash, tadbirkorlik faoliyatini qo‘llab-quvvatlash, yangi ish o‘rinlari yaratish bilan bog‘liq masalalar yechimiga O‘zLiDeP deputatlik guruhlari qanday hissa qo‘shayotgani bundan keyin ham gazetamiz diqqat-markazida bo‘ladi. Bizni kuzatishda davom eting.

 “XXI asr” muxbiri
Ozod RAJABOV
tayyorladi.

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

 

  • Ko'rildi
    1365
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Исмоилжонова Мухтасар Тошкент вилояти2018-06-14 10:12:22

МАН ПАРТИЯ ФАОЛИЯТИГА ОХИРГИ ВАҚТЛАРДА КОТТА ҚИЗИҚИШДА БЎЛДИМ. САБАБИ АНА ШУНДАЙ САЙЁР ҚАБУЛЛАРДА КЎП ХАЙРЛИ ИШЛАР БЎЛЯПТИ! ХУРМАТЛИ 21 МАКТАБ ЖАМОАСИ АНА МАҚОЛА ТЎҒРИЛАНИБДИ. ТЎҒРИ ХАТО БЎЛИБДИ. КИМ АДАШМАЙДИ? БУНДАН ФОЖЕА ЯСАШНИ ХОЖАТИ ЙЎҚ ДЕБ ЎЙЛАЙМАН! 21-ЧИ МАКТАБДА ҲАМ 27-ЧИ МАКТАБДА ҲАМ ҲАММАМИЗНИНГ БОЛАЛАРИМИЗДЕК БОЛАЛАР ЎҚИЙДИ. УЛАРНИ ШАРОИТИНИ ЯХШИЛАШ ЙЎЛИДА ҚИЛИНГАН ИШДА МАҚОЛАНИ ҚАЙТА ИШЛАГАН МУТАХАССИС ХАТО ҚИЛИБДИ. УЗР ҲАМ ЕТИБ БОРИБ ҚОЛАР АДАШМАСАМ ТОШКЕНТДАН ЮБОРИЛАДИ УЗР! ИШИНГЛАРДА ОМАД ХУРМАТЛИ ХАМКАСБЛАРИМ!


Рахмонов Халимжон2018-06-14 09:42:35

Албатта хар бир хайирли ишни бошлаш ва уни охирига етказиш хаммамиз учун осон булмайди бунда албатта хамжихатлик ёрдам беради. Тўғри мутбуот хизмати Фарғона вилоятидан берилган маълумот қайта ишлаш давомида хатоликка йўл қўйилган бундан албатта мактаб маъмуриятидан узур расмий сўралади. Лекин ўша 27- мактабни масаласи бугун кўтарилмаса қачон ким кўтарар эди шу мактаб ва шу болалар Қўштепа туманинг бир қисмику. Бизнинг мақсадимиз битта имло хато билан устозларни кшнглини ранжитиш эмас ўша 27-мактабга қайта жихозланган компютерлар синифини ва бугунги кун талабидаги ўқув биноси ташкил этилишини истаганмиз. Манимча бугунги кунда хатони имлодан эмачс хаётдан ахтаринглар.


Авазбек2018-06-13 20:44:30

Макола муаллифлари 21 мактаб мамуриятидан узур сурашмади хали. Мактаб жамоаси шу макола чоп этилганидан буен канча асабини йукотди


Авазбек2018-06-13 20:44:30

Макола муаллифлари 21 мактаб мамуриятидан узур сурашмади хали. Мактаб жамоаси шу макола чоп этилганидан буен канча асабини йукотди


Фаррух2018-06-12 14:49:25

Мен 21-умумий урта таьлим мактаби собик укувчисиман.Адашилган малумот бу Куштепа туманидаги 21-умумий урта таьлим мактаби аввало Укчи МФЙ худудида жойлашмаган, колаверса мактаб курилишига 60 йил булмаган. Мени фикримча маьлумотда мактаблар учун берилган ракамда адашган.


Тургунова Дилфуза Номоновна Учкуприк туман Кенгаши ижрочи котиби2018-06-12 09:36:01

21 мактаб директор уринбосари Абдуллаев Авазбек Абдурасуловичнинг билдиришлари буйича нима дейиш мумкин. Нахотки адашган булса.


Avazbek Abdullayev2018-06-11 18:38:02

Мен ушбу мактаб хужалик ишлари буйича директор уринбосари Абдуллаев Авазбек Абдурасцлович буламан. Ушбу маколада келтирилган гаплар мутлако хато.Фарғона вилояти Қўштепа тумани ХТБга қарашли 21-умумий ўрта таълим мактаби хақида умумий МАЪЛУМОТ. Фарғона вилояти Қўштепа тумани ХТБга қарашли 21-умумий ўрта таълим мактабининг 1- биноси 1985-йилда қуриб битказилган. Мактабнинг 2-биноси 1990-йилда қурилган. Мактабда 2та спорт зали, ошхона, фаоллар зали мавжуд. Мактаб 2012-йилда Давлат Дастури асосида 556000000(беш юз эллик олти миллион) сўм маблағ сарфланиб капитал таъмирдан чиқарилган. Капитал таъмир давомида 25 та ўқув хоналари, 15та компютердан иборат 1 та компютер синфи, Физика, кимё, биология ўқув лаборатория жихозлари билан тўлиқ таъминланган. Хар бир фан учун стандарт кўргазмалар тўплами, ўқитувчилар, рахбар хонаси учун тўлиқ мебел жиҳозлар, спорт анжомлари билан таъминланган. Вилоят Таълим таъминот томонидан хорижий тиллар хонаси учун 2та компютер, мултимедия, хамда замонавий телевизорлар билан таъминланган. Мактабда хозирги кунда 23 та синфда 638 нафар ўқувчи таълим-тарбия олмоқда. Мактаб ўқувчилари ўқув йили давомида фан олимпиадалари, билимлар беллашуви хамда туман ва вилоят миқёсидаги кўрик –танлов ва тадбирларда, спорт мусобақаларида қатнашиб мактаб, туман шарафини ҳимоя қилиб келмоқда. 2017-2018 ўқув йили якунларига кўра 225 нафар ўқувчи аъло баҳога, 295 нафар ўқувчи яхши баҳога, 118 нафари қониқарли якунлади. Хозирги кунда мактабда 2018-2019 ўқув йилига тайёргарлик ишлари олиб борилмоқда.


N.Ruziyeva Navoiy viloyati Uchquduq tumani2018-06-09 18:52:40

Ta'lim sohasida hozirgi kunda ko'pgina islohatlar amalga oshirilmoqda. Shunday shiddatli o'zgarishlar ro'y berayotgan zamonda maktabning bu kabi ayanchli ahvolidan xafa bo'lasan kishi. Lekin deputatlarimiz sayi-harakati bilan bu muammo albatta ijobiy echim topadi.


Холмат Тўраев Жиззах вилояти2018-06-09 11:11:16

Ушбу таълим даргоҳининг тамирланиши ҳамда замонавий жиҳозланиши учун депутатлар хамда мутасаддилар жонбозлик кўрсатишига ишонамиз.


Q.Eshqorayeva-Navoiy viloyati Uchquduq tuman ijrochi kotib2018-06-08 22:43:09

O'zbekistonning yorqin kelajagi ko'p jihatdan shu yoshlarning qo'lida ekanligini hammamiz bilamiz. Shunday ekan ta'lim olishdagi qulayliklarni yoshlarimizga yaratib berishda siz-u biz ma'sulmiz meni nazarimda. Maktab sharoiti ijobiy tomonga o'zgarsa demak partiyamiz samarali faoliyatda deb bemalol ayta olamiz menimcha!


Fikringizni qoldiring

+