Urganch tumani Chakkasholikor qishlog‘i “Shermatlar” mahallasida yashovchi Shokirjon Xudoyberganov bir necha yillardan buyon o‘z tomorqasida dehqonchilik qilib barakali hosil olib kelayotgan omilkorlardan biri. O‘tgan yili tadbirkor o‘z tomorqasida tashkil etgan issiqxonasida pomidorning serhosil navlarini ekib, bir tup pomidordan 6 kilogramm hosil olgandi. Bu yil esa hosilni 10 kilogrammga yetkazish harakatida.

Yaqinda O‘zLiDeP Urganch tuman Kengashi tomonidan “O‘zLiDeP boshlang‘ich tashkilotlari o‘z tomorqasida tadbirkorligini boshlaganlarga ko‘makdosh” loyihasi doirasida Shokirjon aka xonadonida amaliy muloqot tashkil etildi.

– Issiqxonamizni ming metr maydonda tashkil qilganmiz. Bu yil 10 tonna pomidor hosili olishni va daromadimizni 60 million so‘mdan oshirishni mo‘ljallayapmiz, – deydi tadbirkor. – Mahsulotimizning asosiy qismini tuman Iqtisodiyot bo‘limi bilan maslahatlashgan holda eksportga chiqarishni rejalashtirganmiz.

Muloqot davomida tomorqadan unumli foydalanish borasida taklif-tavsiyalar berildi.

                                                                                                        Guliston ADAMBAYEVA,

O‘zLiDeP Urganch tuman Kengashi

apparat rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!