“Mahallamizdagi har bir oila a’zosini tadbirkorlik faoliyati bilan shug‘ullanishga jalb etmoqchiman”

12.06.2018, 16:59

Keyingi yillarda mamlakatimizda tadbirkorlik bilan shug‘ullanish istagida bo‘lgan aholining tadbirkorlik tashabbuslarini har tomonlama qo‘llab-quvvatlash, ularga imtiyozli kreditlar ajratish orqali aholiga munosib hayot sharoitlarini yaratish va aholi bandligini ta’minlash borasida keng ko‘lamli ishlar amalga oshirilmoqda. Natijada tadbirkorlik faoliyati kundan-kunga taraqqiy topib, yangi-yangi ish o‘rinlari yaratilyapti.

Prezidentimizning “Har bir oila – tadbirkor” dasturini amalga oshirish to‘g‘risida”gi qarori yurtimizda tadbirkorlik faoliyatini yanada rivojlantirish, ayniqsa, aholining nafaqat bandligini ta’minlash, balki turmush farovonligini yaxshilash yo‘lidagi muhim huquqiy hujjat bo‘ldi.

Chunki ushbu dasturda o‘ta muhim va dolzarb vazifalar belgilab qo‘yilgan. Xizmat ko‘rsatish va servis shoxobchalarini barpo etish, qishloq va mahallalarda bo‘sh turgan yer maydonlarini yangi tashkil etilayotgan oilaviy tadbirkorlik sub’ektlariga berish orqali aholi uchun qo‘shimcha ish o‘rinlari va daromad manbalarini yaratish va boshqa masalalarlar shular jumlasidandir.

Ochig‘i, o‘z vaqtida inson manfaatlarini o‘ylab qabul qilingan mazkur dastur kichik biznes va xususiy tadbirkorlik faoliyatini izchil rivojlantirish barobarida aholi turmush tarzini yaxshilashda muhim omil bo‘lib xizmat qiladi. Endi biz ham yaratilayotgan sharoitlardan samarali foydalanib hujjatda belgilangan vazifalar ijrosini bajarishga jiddiy kirishamiz. Ayni chog‘da esa mahallamizdagi ishsiz yoshlarning qiziqishi va intilishlarini o‘rganib, ishlab chiqarilayotgan mahsulotlarimizning ayrim qismlarini aholi xonadonlarida kasanachilik asosida tikishni yo‘lga qo‘yish yuzasidan amaliy ishlarni boshlab yubordim. Yaqin kunlarda mahallada tikuvchilik faoliyatini amalga oshirish bo‘yicha iste’dodi va iqtidori bor xotin-qizlar, ayniqsa yoshlarga korxonamizda master-klass usulida tikuvchilik sir-asrorlarini o‘rgatib, tadbirkorlik faoliyatini yo‘lga qo‘yishlarida yaqindan ko‘mak berishni rejalashtiryapman. Nega desangiz, o‘z biznesini boshlash niyatida yurgan fuqarolarga amaliy yordam ko‘rsatish, shu sohaga kirmoqchi bo‘lganlarni qo‘llab-quvvatlash bizning asosiy vazifalarimizdan hisoblanadi. Shunday ekan, aholining moddiy sharoitlarini tubdan yaxshilash, turmush tarzi sifati va darajasida sezilarli ijobiy o‘zgarishlar amalga oshirilishini ta’minlashga munosib hissa qo‘shishimiz darkor.

Horunbek AXMADXONOV,

Namangan shahar

“Ixlos tekstil sanoat” MChJ direktori,

O‘zLiDeP faoli

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Teglar

Elektorat bilan ishlash

Ko'rildi

1835
Chop etish
Do'stlar bilan ulashish

Bildirilgan fikrlar

Хонқа туман O’zLiDeP фаоли Қ.Сабиров2018-06-13 16:38:54

Хурматли Президентимиз ўз вақтида фуқароларимиз манфаатларини хар доим ўйлаб қабул қилаётган мазкур дастур кичик бизнес ва хусусий тадбиркорлик фаолиятини изчил ривожлантириш баробарида аҳоли турмуш тарзини бунданда яхшилашга бунданда фарофон бўлишига хизмат қилиши тайин.

Хонқа туман O’zLiDeP депутатлик гурухи аъзоси Қ. Абдуллаев2018-06-13 16:18:48

Президентимиз томонидан қабул қилинган “Ҳар бир оила – тадбиркор” дастурини амалга ошириш тўғрисида”ги қарорига асосан ташкил қилинадиган хизмат кўрсатиш ва сервис шохобчаларини барпо этилиши, қишлоқ ва маҳаллаларда бўш турган ер майдонларини янги ташкил этилаётган оилавий тадбиркорлик субъектларига бериш орқали аҳоли учун қўшимча иш ўринлари ва даромад манбаларини яратилиб қолмай қишлоқ инфратузилмасига хам ижобий тасир кўрсатади.

Хонқа туман O’zLiDeP фаоли Н. Султанова2018-06-13 16:08:27

Юртимизда тадбиркорлик фаолияти кундан-кунга тараққий топиб бораётгани, янги-янги иш ўринлари яратилётгани аҳоли учун қўшимча иш ўринлари ва даромад манбаларини яратмоқда.

Н.Рузиева Навоий вилояти, Учқудуқ тумани аппарат раҳбари2018-06-13 15:59:50

Муҳтарам Президентимиз Ш.Мирзиёев тадбиркорларга катта эътибор қаратиб, уларнинг кенг фаолият юритишлари учун катта имкониятлар эшиги очиб бермоқда. Фақат тадбиркорлар бу имкониятлардан унумли фойдаланиб ишлаши лозим.

О.Қаландарова O’zLiDeP Ҳазорасп туман Кенгаши депутатлик гурухи билан ишлаш бўйича ижрочи котиби2018-06-13 13:48:53

Муҳтарам Президентимизнинг “Ҳар бир оила – тадбиркор” дастурини амалга ошириш тўғрисида”ги қарори айни тадбиркорликни бошлаган тадбиркорларга яна бир имконият яратади. Юртимизда тадбиркорлик фаолияти кундан-кунга тараққий топиб, янги-янги иш ўринлари яратилмоқда.

Хонқа туман O’zLiDeP фаоли Ш.Қурамбоева2018-06-13 13:43:13

Президентимизнинг “Ҳар бир оила – тадбиркор” дастурини амалга ошириш тўғрисида”ги қарори, Президентимиз томонидан қабул қилинаётган мухим қарорлар қатори бу қарор ҳам ўз вақтида қабул қилинди. Бугунги кунда юртимизда тадбиркорчилик қилиш учун барча шарт-шароитлар яратилишига қарамай соҳада сезирарли даражада ривожланишлар кузатилмаяпти. Маҳалламиздаги ҳар бир оила аъзосини тадбиркорчилик фаолияти билан шуғулланишларини йўлга қўйилиши аваламбор оиланинг даромади яхшиланади, ишсизликни кескин камайишига эришилади.

Холмат Тўраев Жиззах вилояти2018-06-13 12:10:56

Юртимизда тадбиркорлик фаолияти кундан-кунга тараққий топиб, янги-янги иш ўринлари яратилмоқда.

Ш. Хўжаназаров O`zLiDeP Шеробод туман Кенгаши аппарат рахбари 2018-06-13 10:45:20

Муҳтарам Президентимизнинг“Ҳар бир оила – тадбиркор” дастурини амалга ошириш тўғрисида”ги қарори айни тадбиркорликни бошлаган тадбиркорларга яна бир имконият бу имкониятлардан оқилона фойдаланган ҳар бир фуқаро ўз олдига қуйган тадбиркорлик бўйича улкан марраларга эришади

Г. Қулмўминова O`zLiDeP Шеробод туман Кенгаши ижрочи котиби.2018-06-13 10:44:05

"Оилавий тадбиркорликдан мустахкам оила" лойхаси асосида замон талаби бўлиб келётган ишбилармонлик ва Тадбиркорлик хамиша эътибор марказида бўлади.

"Дўстлик" МФЙ БПТ2018-06-13 10:14:10

Президентимизнинг “Ҳар бир оила – тадбиркор” дастурини амалга ошириш тўғрисида”ги қарори Хар бир оила учун қувонарли хабар бўлди. Ёш оилаларга давлатимиз тамонидан қаратилаётган эътибордан хурсандмиз.