O‘zLiDeP Nurobod tuman Kengashi tashabbusi bilan “Qishloq xo‘jaligi, oziq-ovqat xavfsizligi va suv iste’moli sohasidagi tizimli nazorat masalalari” mavzusida davra suhbati tashkil etildi.

Tadbirda Prezidentimizning “O‘zbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi ta’minlanishi ustidan nazorat qilish inspeksiyasi faoliyatini tashkil etish chora-tadbirlari to‘g‘risida”gi qarori mazmun-mohiyati va unda belgilab berilgan ustuvor vazifalar keng muhokama qilindi.

– O‘zbekiston oziq-ovqat xavfsizligi reytingida dunyoda 64-o‘rinda turadi, – deydi Nurobod tuman hokimligi iqtisodiyot bo‘limi boshlig‘i, O‘zLiDeP faoli G‘ayrat Musurmonov. – Vaholanki, bir yil oldin mamlakatimiz mazkur reytingda 75-o‘rinda edi. Yurtimizda oziq-ovqat xavfsizligini mustahkamlash borasida samarali ishlar olib borilayotganligi sababli yurtimiz dunyo reytinglarida yildan-yilga yuqorilab borayotir.

Tadbirda Prezidentimizning yuqoridagi qarori mazmun-mohiyatini aholi o‘rtasida keng targ‘ib qilish va ijrosini ta’minlash yuzasidan amalga oshirilayotgan ishlarni nazorat qilish – O‘zLiDeP oldidagi muhim vazifalardan biri ekani ta’kidlandi.

Baxtigul QARShIYEVA,

O‘zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!