O‘zLiDeP Farg‘ona viloyat Kengashi tomonidan Qo‘qon davlat universitetida “Yangi avlod kadrlari” loyihasi doirasida davra suhbati o‘tkazildi. Unda partiya viloyat Kengashi xodimlari, “Yoshlar qanoti” faollari hamda talaba-yoshlar  ishtirok etdi.

Tadbirda yosh istiqbolli yigit-qizlarni topish, malakasini oshirish, hokimiyat organlari, davlat va xo‘jalik boshqaruvi hamda partiya tizimidagi ish o‘rinlariga zamonaviy bilim va ko‘nikmalarni o‘zlashtirgan xodimlarni tanlash asosiy maqsad qilib olindi.

– Siyosiy partiyalar faoliyatiga juda qiziqaman, – deydi Qo‘qon davlat universiteti talabasi Maftuna Hamidova. – Shu bois, partiyalar faoliyatiga oid eng so‘nggi yangiliklar bilan muntazam tanishib boraman. Ayniqsa, O’zLiDePga bo‘lgan qiziqishim baland. Chunki partiya tomonidan hayotga tatbiq etilayotgan amaliy ishlarni uzlidep.uz sayti orqali doimiy ravishda kuzatib turaman. Bugungi tadbir orzularim va maqsadlarim yo‘lida yanada faol bo‘lishimga keng zamin yaratdi. Eng muhimi, barcha tengdoshlarimni siyosiy-ijtimoiy faollikka chorladi.

Tadbir davomida partiyaga a’zo bo‘lish istagini bildirgan 60 nafar yoshlardan 20 nafari O‘zLiDeP kadrlar zaxirasiga olindi.  

Tadbir so‘nggida partiya Farg‘ona viloyat Kengashi hamda Qo‘qon davlat  pedagogika instituti o‘rtasida hamkorlik memorandumi imzolandi.

O‘zLiDeP Farg‘ona viloyati

Kengashi  matbuot  xizmati

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!