Tayloqlik Gulnora Azimboyevani Samarqandlik tadbirkorlar yaxshi biladi. Chunki bugun tadbirkor tomonidan to‘qilgan kiyimboshlar ichki bozorlarda juda xaridorgir. Shu bois, yaqinda u faoliyatini yanada kengaytirib qo‘shimcha ish o‘rinlari yaratishga qaror qildi.

Bu haqda u O‘zLiDeP Tayloq tuman Kengashi tomonidan “Bunyodkor ayol” loyihasi doirasida” tadbirkorlik uchun biznes reja tuzish va uni texnik iqtisodiy jihatdan asoslash” mavzuida o‘tkazilgan davra suhbatida ma’lum qildi.

Tadbirda O‘zLiDeP faoli, tuman tadbirkor ayol uyushmasi rahbari, S.Salimova so‘zga chiqib, mamlakatimizda ayollarga yaratilayotgan shart-sharoitlar haqida gapirdi.

–Tumanimizda shu kunga qadar 112 nafar ayol tadbirkor sifatida ro‘yxatdan o‘tgan, – deydi O‘zLiDeP faoli S.Salimova. – Bir narsani quvonch bilan aytish mumkinki, bugun ularning soni kundan-kunga ortib bormoqda.

Tadbirda so‘z olgan O‘zLiDeP Tayloq tuman kengashi raisi Z.Avazov  tadbirkorlikni boshlamoqchi bo‘lgan yurtdoshlarimizga biznes loyihalar tuzishda  partiya doim yordamga tayyor ekanini ma’lum qildi.

Tadbir so‘nggida partiya viloyat Kengashi tomonidan Gulnora Azimboyevaga tadbirkorlik faoliyatini kengaytirish uchun kredit olishda ko‘maklashdi.

Baxtigul QARShIYEVA,

  O‘zLiDeP  Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!