O‘zLiDeP Farg‘ona viloyat Kengashi “Biznes tuzilmalar va fermerlar bilan ishlash bo‘limi” ko‘magida isroillik bir guruh tadbirkorlar farg‘onalik hamkasblari bilan uchrashdi.

Uchrashuv davomida Furqat tumanidagi “Tomosha Agro” MChJ Isroilning “V-Group” kompaniyasi bilan o‘zaro hamkorlikni yo‘lga qo‘yish bo‘yicha memarandum imzoladi. Kelishuvga ko‘ra, Furqat tumanida 5 mln. dollarlik gidroponika usulida issiqxona quriladigan bo‘ldi. Loyihani amalga oshirish maqsadida Furqat tuman Davlat xizmatlari markazidan “VP- Tomosha Agro” MChJ davlat ro‘yxatdan o‘tkazildi va unga qo‘shma korxona guvohnomasi topshirildi.

Yaqin kunlarda “Bog‘dod sohillari” MChJ ham isroillik tadbirkorlar bilan hamkorlikni yo‘lga qo‘yadi. Partiya viloyat Kengashi bo‘lim mudiri X.Rahmonovning fikriga ko‘ra, qiymati 10 mln. dollarga teng bo‘lgan mazkur loyiha ishga tushsa, yiliga 3 ming tonna kurka go‘shtini qayta ishlash, 300 dan ortiq yoshlarni ish bilan ta’minlash imkoniyati paydo bo‘ladi.  

Ko‘rinib turganidek, partiyaning tadbirkorlar orasida amalga oshirayotgan keng ko‘lamli ishlari amaliy natijalarda ham o‘z ifodasini topmoqda.

O‘zLiDeP Farg‘ona viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!