O‘zLiDeP Hazorasp tuman Kengashi tomonidan “GM Uzbekiston” AJ qoshida faoliyat yuritayotgan BPTda Prezidentimizning 2018 yil 27 iyundagi “Yoshlar – kelajagimiz”  davlat Dasturi to‘g‘risida”gi Farmoni targ‘ibotiga bag‘ishlangan tadbir tashkil etildi.       

Tadbirda Dasturda belgilangan vazifalar barcha idora va tashkilotlar qatori O‘zLiDeP “Yoshlar qanoti” zimmasiga ham katta mas’uliyat yuklashi aytib o‘tildi. Shundan kelib chiqib, partiyaning har bir faoli yoshlarni tadbirkorlik faoliyati bilan shug‘ullanishga faol jalb qilishi hamda yosh tadbirkorlarning istiqbolli g‘oyalari va loyihalarini ro‘yobga chiqarishga ko‘maklashish lozimligi qayd etildi.

–Dasturda belgilangan vazifalar nafaqat “Yoshlar qanoti”ni balki partiyaning har bir a’zosini faol va tashabbuskor bo‘lishga chorlaydi, – deydi Xalq deputatlari viloyat Kengashidagi O‘zLiDeP deputatlik guruhi rahbari B.Ro‘zmetov. – Shu bois, tadbir davomida uyushmagan yoshlarni aniqlash, ularni qiziqishlarini o‘rganish, tadbirkorlik faoliyati bilan shug‘ullanish istagida bo‘lgan yoshlarni yangi innovatsion g‘oyalari va tashabbuslarini har tomonlama qo‘llab-quvvatlashlashga alohida e’tibor qaratdik. Zotan, maqsadimiz faqat dastur mazmun-mohiyatini muhokama qilish emas, balki ijrosini ta’minlash bo‘yicha muhim vazifalarni belgilab olish.

Tadbirda shuningdek, korxona ishchi-xodimlari tomonidan oilaviy tadbirkorlik qilish istagini bildirgan, yangi tadbirkorlik faoliyatini boshlashga qiziqqan yoshlarning ro‘yhati shakllantirilib, ularga zarur tavsiya va  ko‘rsatmalar berildi.

U.MATKARIMOV,

“GM Uzbekiston” AJdagi

BPT raisi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!