O‘zLiDeP Siyosiy Kengashi Ijroiya qo‘mitasi va partiyaning Samarqand viloyat Kengashi faollaridan iborat ishchi guruh a’zolari Bulung‘ur tumanidagi “G‘o‘bdin” MFYda bo‘ldi.

Tashrif chog‘ida partiya faollari davlatimiz rahbari tomonidan ishlab chiqilgan “Obod qishloq” va “Obod mahalla” dasturi doirasida hududda olib borilayotgan bunyodkorlik ishlari bilan tanishdi.

Mahalla aholisi o‘rtasida olib borilgan muloqotlarda “Xar bir oila –tadbirkor”, “Yoshlar – kelajagimiz” davlat Dasturining mazmun-mohiyati yuzasidan aholiga tushuntirish ishlari olib borildi. Targ‘ibot ishlari natijasida Mahfuza Eshmuhammedovaga parrandachilikni yo‘lga qo‘yish istagi paydo bo‘ldi.

–Partiya faollarining “tadbirkorlik bilan shug‘ullaning, biznesingizni boshlashingizga ko‘maklashamiz” degan gaplaridan ruhlanib  tadbirkorlik bilan shug‘ullanishga axd qildim, – deydi M.Eshmuhammedova. –Endi partiya ko‘magida tijorat bankidan imtiyozli kredit olib, parrandachilikni yo‘lga qo‘yaman. Axir bu yetti xazinaning biri.

Uchrashuvlar davomida tadbirkorlik faoliyati bilan shug‘ullanmoqchi bo‘lgan yoshlarga “Yoshlar – kelajagimiz” davlat Dasturida belgilangan ustuvor vazifalar, xususan, yoshlar uchun yaratilgan imtiyozlar haqida atroflicha ma’lumot berildi.

O‘zLiDeP  Samarqand viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!