Bugun mamlakatimizda yoshlar o‘zlariga berilayotgan e’tibor, yaratilayotgan keng imkoniyatlardan samarali foydalanib, bor iqtidorlarini namoyon qilgan holda yurt ravnaqi va vatan taraqqiyotiga o‘z hissasini qo‘shib kelmoqda. Xorazmlik Sevara Xudayberganova ham ana  shunday yoshlardan biri sanaladi.

Chunki u bolaligidan tikuvchilik sir-asrorlarini o‘rganib, endilikda faol tadbirkor sifatida faoliyat yuritmoqda. E’tiborlisi, yosh tadbirkor bugun 5 nafar xotin-qizni bandligini ta’minlagan.

–Tikuvchilik tsehi tashkil qilish orzuyim edi, – deydi Sevara. – Tikuv mashinalarim bo‘lsa-da, yakka tadbirkor sifatida ish boshlashimda bino masalasi muammo edi. Shu masalada O‘zLiDePga murojaat qilgan edim. Partiya faollarining ko‘magi bilan Urganch shahridagi 29-son “Baynalminalchi” MFYdan 1 ta xona ajratib berildi. Ayni chog‘da bolalar va ayollar kiyimlari hamda o‘quvchilar uchun maktab formalari tayyorlayapmiz. Albatta, bu boshlanishi. Kelgusida ishlab chiqarish ko‘lamini kengaytirib, yana 10 ta qo‘shimcha ish o‘rni yaratmoqchimiz.

Ta’kidlash kerak, bugun bu yosh tadbirkor Urganch shahridagi 29-son umumiy o‘rta ta’lim maktabi o‘quvchilariga maktab kiyimlari tayyorlab berish bo‘yicha shartnoma ham imzolagan.                                            

Nilufar DJABBAROVA,

O‘zLiDeP Xorazm viloyat Kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!