Davlatimiz rahbari tomonidan 2018 yil 7 iyun kuni imzolangan “Har bir oila – tadbirkor” dasturini amalga oshirish to‘g‘risida”gi Qaror yoshlar tadbirkorligini qo‘llab-quvvatlash, ularni biznes bilan shug‘ullanishga faol jalb qilish va bandligini ta’minlashga qaratilgani bilan ahamiyatlidir. Shu bois, bugun hujjat ijrosini ta’minlash borasida davlat va nadavlat tashkilotlari, jumladan, siyosiy partiyalar tomonidan tizimli ishlar olib borilmoqda.

Bu haqda gapirganda avvalo, O‘zLiDeP Zarafshon shahar Kengashi tomonidan hayotga tatbiq etilayotgan amaliy ishlarni alohida ta’kidlash joiz. Boisi, partiya tashabbusi bilan shaharda “Yoshlar mehnat guzari” tashkil etildi va tadbirkorlik faoliyatini boshlamoqchi bo‘lgan yoshlarga 5 yilga imtiyozli joy ajratildi.

Mamlakatimizda yaratilayotgan imkoniyatlardan samarali foydalanayotgan Dilorom Shabonova ham yosh bo‘lishiga qaramay ustoz-shogird an’anasini davom ettirgan holda, 3 nafar tengdoshini ish bilan ta’minlab sex faoliyatini yanada kengaytirmoqchi.   

–Bolalikdan tadbirkorlik bilan shug‘ullanishni orzu qilardim. Shu maqsad meni partiyaga yetaklab keldi, – deydi D.Shabonova. – Partiyaning qator tadbirlarida ishtirok etib, yoshlarimizga yaratilgan imkoniyatlardan xabardor bo‘ldim. Eng muhimi, partiya faollari beznis g‘oyamni qo‘llab-quvvatlab, “Yoshlar kelajagimiz” Davlat dasturi doirasida imtiyozli kredit olishda ko‘maklashdi.

Ta’kidlash kerak, partiya Zarafshon shahar Kengashi keyingi faoliyatida ham yoshlarni tadbirkorlik faoliyati bilan shug‘ullanishga faol jalb qilish hamda yosh tadbirkorlarning istiqbolli g‘oyalari va loyihalarini ro‘yobga chiqarishga ko‘maklashish ishlarini izchil davom ettiradi.                                                                      

M.XUDAYBYERDIYEVA,

O‘zLiDeP Zarafshon shahar

 Kengashi ijrochi kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!