O‘zLiDeP Xorazm viloyat Kengashi apparat rahbari J.Qurbanov hamda partiya Urganch shahar Kengashi apparat rahbari D.Jumaniyazovlar ishchi guruh a’zolari bilan shahardagi tadbirkorlar bilan suhbatlashib, ularning faoliyatidagi mavjud muammolarni o‘rganishdi.

Urganch shahar Al-Xorazmiy mahallasida joylashgan “Madina-Abdulloh” oilaviy korxonasi shu yilning 1 iyunidan ish boshlagan bo‘lib, bugungi kunda 10 turdagi milliy shirinliklarni ishlab chiqarib, ichki bozorga chiqarmoqda.

- Ishimizni dastlab 3 nafar ishchi bilan, tashlandiq bir binoni ijaraga olib boshlagan edik, - deydi tadbirkor Abdulloh Do‘stmetov. – Bugungi kunga kelib shirinliklarimizga kun sayin talab oshayotgani sababli ishchilarimiz sonini 12 nafarga yetkazdik. Kelgusida ishimizni yanada rivojlantirishimiz uchun bizga Urganch shahridan “nol” qiymatda bino kerak. Ushbu muammoyimizni hal qilishda qiynalayapmiz.

Albatta, rivojlanishga intilayotgan tadbirkorning mushkulini oson qilish, ularni qo‘llab-quvvatlash va imkon darajasida amaliy yordam berish partiyamizning asosiy maqsadlaridan biri. Shunday ekan, O‘zLiDeP Xorazm viloyat Kengashi ishchi guruhi mazkur muammoga qarab turmadi. Bino masalasida shu kunning o‘zida hujjatlar tayyorlanib, tegishli tashkilotlarga deputatlik so‘rovi chiqarildi.

O‘zLiDeP Xorazm viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!