O‘zLiDeP Siyosiy Kengashi Ijroiya qo‘mitasi raisi, O‘zbekiston fermer, dehqon xo‘jaliklari va tomorqa yer egalari kengashi raisi vazifasini bajaruvchi Aktam Xaitov Kitob tumanidagi tadbirkorlar, fermerlar faoliyati bilan yaqindan tanishdi.

Tashrif davomida tumandagi tadbirkorlar, ko‘p tarmoqli fermer xo‘jaliklari rahbarlari hamda O‘zLiDeP Qashqadaryo viloyat, tuman  Kengashi faollari bilan uchrashuv tashkil etildi.

Abdusalom O‘roqov dala shiyponida o‘tkazilgan ochiq muloqotda O‘zLiDeP  rahbari A.Xaitov partiya oldida turgan ustuvor vazifalar, uning jamiyatdagi o‘rni va roli, partiya g‘oyalarini aholi orasiga keng targ‘ib qilish bo‘yicha mutasaddilarga tegishli ko‘rsatmalar berdi.

Shuningdek, muloqotlar chog‘ida tomorqadan samarali foydalanish, issiqxona barpo etish, to‘qsonbosti ekinlarini eksport qilish tizimini yo‘lga qo‘yish, investorlar ishtirokida ko‘p tarmoqli fermer xo‘jaliklarida master klasslar tashkil etish borasida zarur tavsiyalar berdi.

Ta’kidlash kerak, tashrif davomida O‘zLiDeP rahbari A.Xaitov “Denov” qishlog‘ida istiqomat qilayotgan Xolmaxmat Axatqulov xonadonida bo‘lib, 500 tonna qishloq-xo‘jaligi mahsulotlarini saqlashga mo‘ljallangan sovitgich omborini ko‘zdan kechirdi. Tadbirkorning faoliyatini yanada kengaytirishda yo‘l-yo‘riqlar ko‘rsatdi, partiya har doim qo‘llab-quvvatlashga tayyor ekanligini bildirdi.

O‘zLiDeP Qashqadaryo viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!