Mingbuloq tumani Mulkobod MFYda yashovchi Muhammadjon Husanov tomorqasidagi har bir qarich yerdan unumli foydalanib,  dehqonchilik orqali topgan daromadiga ro‘zg‘or tebratib kelmoqda.        

O‘zLiDeP faollaridan iborat ishchi guruhning mazkur MFY aholisi bilan muloqoti chog‘ida M.Husainov o‘z hovlisida issiqxona tashkil etmoqchi ekanini aytib, partiya faollaridan imtiyozli kredit olishda ko‘mak so‘ragan edi.

Mazkur murojaat bo‘yicha Xalq deputatlari Mingbuloq tuman Kengashidagi O‘zLiDeP deputatlik guruhi rahbari S.Xodjamov “Xalq  banki” tuman filialiga so‘rov yubordi.  Natijada oradan biroz vaqt o‘tib, ushbu masala o‘z yechimini topdi.

– Partiya faollari va deputatimiz yordami bilan imtiyozli kredit oldik. Endi tomorqamizdagi 3 sotix yerda issiqxona tashkil etib, pomidor ekamiz, – deydi M.Husainov. – Eng muhimi, farzandlarim ishli bo‘lib, mehnat qilishni o‘rganadi.

Ta’kidlash kerak, ishchi guruh tashabbusi bilan M.Husainovdan  tashqari yana 6 nafar fuqaroga imtiyozli kredit ajratildi.

Yulduz YuLDASHEVA,

O‘zLiDeP Namangan

viloyat Kengashi

matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!